சென்னை:தமிழகத்தில் இம்மாதம் வீட்டு சமையல் காஸ் சிலிண்டர் விலை மாற்றப்படவில்லை. வணிக சிலிண்டர் விலை, 43.50 ரூபாய் குறைந்துள்ளது.

பொதுத்துறை எண்ணெய் நிறுவனங்கள், வீடுகளுக்கு, 14.20 கிலோ எடையிலும், வணிகப் பயன்பாட்டிற்கு, 19 கிலோ எடையிலும் சமையல் காஸ் சிலிண்டர்களை விற்கின்றன.

இந்நிறுவனங்கள், சர்வதேச சந்தையில் நிலவும் கச்சா எண்ணெய் விலைக்கு ஏற்ப, மாதத்தின் முதல் நாளன்று, உள்நாட்டில் சமையல் காஸ் சிலிண்டர் விலையில் மாற்றம் செய்கின்றன.

தமிழகத்தில் கடந்த மார்ச்சில், வீட்டு சமையல் காஸ் சிலிண்டர், 818.50 ரூபாய்க்கு விற்பனையானது. இம்மாதம், அதன் விலை மாற்றம் செய்யப்படாமல், 818.50 ரூபாயாகவே நிர்ணயிக்கப்பட்டு உள்ளது.

ஓராண்டிற்கு மேலாக, இந்த சிலிண்டர் விலை மாற்றம் செய்யப்படவில்லை.

கடந்த மாதம், 1,965 ரூபாய்க்கு விற்கப்பட்ட வணிக சிலிண்டர் விலை இம்மாதம், 43.50 ரூபாய் குறைந்து, 1,921.50 ரூபாயாக நிர்ணயிக்கப்பட்டுள்ளது.