ரிஷிவந்தியம் : பகண்டைகூட்ரோடு அருகே கோவில் உண்டியல்களை உடைத்து பணம் திருடியவரை போலீசார் கைது செய்தனர்.

பகண்டைகூட்ரோடு அருகே பெரிய பகண்டையில் இருந்து மையனுார் செல்லும் சாலையில் உள்ள பெரியாண்டவர் கோவிலில், கடந்த மார்ச்., 29ம் தேதி இரவு 11:30 மணியளவில், உண்டியலை உடைத்து திருடு போனது. மேலும், ஏரிக்கரை முருகன் கோவிலில் உண்டியலாக வைக்கப்பட்டிருந்த குடமும் திருடு போனது.

விசாரணையில், இரண்டு கோவில் உண்டியல் பணத்தையும் திருடியது, வெங்கலத்தை சேர்ந்த விஜயகுமார் மகன் சண்முக வெற்றிவேல்,19; ஏ.சி.,மெக்கானிக்; என தெரிந்தது. பகண்டை கூட்ரோடு போலீசார் வழக்கு பதிந்து அவரை கைது செய்தனர்.