சிவகங்கை : சிவகங்கை மருத்துவக் கல்லுாரி மருத்துவமனை அருகே உள்ள அம்மா பூங்கா பராமரிப்பு இல்லாமல் சுற்று சுவர் சேதமடைந்து காணப்படுகிறது.

சிவகங்கை ஒன்றியம் வாணியங்குடி ஊராட்சி சார்பில் அரசு மருத்துவமனை அருகே ரூ.30 லட்சத்தில் அம்மா பூங்கா அமைக்கப்பட்டது. இதில் நவீன விளையாட்டு உபகரணங்கள் பொருத்தியிருந்தனர்.

மருத்துவ கல்லுாரி மாணவர்கள் மட்டுமின்றி மருத்துவமனைக்கு வரும் நோயாளிகளின் உறவினர்கள் இங்கு உடற்பயிற்சியில் ஈடுபட்டு வந்தனர். இந்த பூங்காவை தொடர்ந்து பராமரிக்காமல் விட்டதால் உபகரணங்கள் அனைத்தும் உடைந்து பயனின்றி கிடக்கிறது. பூங்கா வளாகமும் செடிகள் வளர்ந்து முட்புதர் மண்டிக்கிடக்கிறது.

சுற்றுச்சுவர் சேதம் அடைந்து இருப்பதால் பொருட்கள் திருடுபோகவும் வாய்ப்பு உள்ளது.

மாவட்ட நிர்வாகம் அம்மா பூங்காவை முறையாக பராமரித்தால் மருத்துவமனைக்கு வருபவர்கள், மருத்துவ மாணவர்களுக்கு உடற் பயிற்சி செய்ய உதவியாக இருக்கும்.