சென்னை:சாலை விபத்தில் இறந்த, எஸ்.ஐ., மற்றும் மூன்று ஏட்டுகள் குடும்பத்திற்கு, தலா 30 லட்சம் ரூபாய், நிவாரண நிதி வழங்க, முதல்வர் ஸ்டாலின் உத்தரவிட்டுள்ளார்.

சென்னை, பட்டாபிராம் மகளிர் போலீஸ் நிலைய எஸ்.ஐ., மெர்ஸி; திருநெல்வேலி மாவட்டம், கூடங்குளம் ஏட்டு முத்தையா; தருமபுரி மாவட்டம், கிருஷ்ணாபுரம் ஏட்டு சிவஞானம்; மதுரை மாவட்டம், அவனியாபுரம் ஏட்டு ஆசிக்அகமது ஆகியோர், வெவ்வேறு இடங்களில் நடந்த, சாலை விபத்தில் பரிதாபமாக இறந்தனர்.

இதை அறிந்த முதல்வர், அவர்களின் குடும்பத்திற்கு ஆழ்ந்த இரங்கலை தெரிவித்துள்ளார். அத்துடன், தலா 30 லட்சம் ரூபாய் நிவாரண நிதி வழங்க உத்தரவிட்டுள்ளார்.