கோவை; மருதமலை, சுப்பிரமணிய சுவாமி திருக்கோவிலில், நாளை திருக்குடமுழுக்கு விழா நடக்கிறது. அதற்கு முன்னதாக, யாகசாலையில் சக்திகலசங்களை இன்று தரிசிக்கலாம்.

திருக்குட முழுக்கு விழாவையொட்டி, திருக்கோவிலில் அமைந்துள்ள மூலவர் மற்றும் பரிவார சன்னதிகளில் உள்ள சக்தி கலசங்களை, யாகசாலையில் வைத்து பூஜை செய்ய இருப்பதால், பக்தர்கள் யாகசாலையில் அமைந்துள்ள மூலவர் மற்றும் பரிவார தெய்வங்களை, இன்று(ஏப்.,3) மாலை வரை தரிசனம் செய்யலாம்.

நாளை திருக்குட முழுக்கு நன்னீராட்டு விழா முடிந்ததும், வழக்கமான முறையில் பக்தர்கள் சுவாமி தரிசனத்திற்கு அனுமதிக்கப்படுவர். ஏப்.,4 முதல், 6ம் தேதி வரை மலைமீது இரு மற்றும் நான்கு சக்கர வாகனங்களில் செல்ல, பக்தர்களுக்கு அனுமதியில்லை.

பக்தர்கள் படி வழியாகவும் திருக்கோவில் பேருந்து மற்றும் திருக்கோவில் மூலம் ஏற்பாடு செய்யப்பட்டுள்ள பேருந்துகளிலும் சென்று, சுவாமி தரிசனம் செய்யலாம் என, கோவில் நிர்வாகம் தெரிவித்துள்ளது.