கோல்கட்டா: இந்தியன் சூப்பர் லீக் (ஐ.எஸ்.எல்.,) கால்பந்து 11வது சீசன் நடக்கிறது. நேற்று, கோல்கட்டாவில் நடந்த இரண்டாவது அரையிறுதிக்கான இரண்டாவது சுற்றுப் போட்டியில் மோகன் பகான், ஜாம்ஷெட்பூர் அணிகள் மீண்டும் மோதின. முதல் சுற்றில் 2-1 என வென்ற ஜாம்ஷெட்பூர், இப்போட்டியை 'டிரா' செய்தால் பைனலுக்கு சென்று விடலாம் என்ற நிலையில் களமிறங்கியது. மோகன் பகான் அணி குறைந்தது 2 கோல் வித்தியாசத்தில் வென்றாக வேண்டிய கட்டாயத்தில் இருந்தது.
போட்டியின் 51 வது நிமிடத்தில் ஜாம்ஷெட்பூர் வீரர் கையில் பந்து பட, மோகன் பகான் அணிக்கு 'பெனால்டி' வாய்ப்பு கிடைத்தது. இதை கம்மிங்ஸ் கோலாக மாற்றினார்.
போட்டியின் கடைசி 'ஸ்டாப்பேஜ்' நேரத்தில் (94 வது) மோகன் பகான் வீரர் ரால்டே ஒரு கோல் அடித்தார். முடிவில் மோகன் பகான் அணி 2-0 என வெற்றி பெற்றது.
இரண்டு சுற்று அரையிறுதி முடிவில், கோல் அடிப்படையில் 3-2 (1-2, 2-0) என முந்திய மோகன் பகான் அணி, பைனலுக்கு முன்னேறியது. இதில் பெங்களூருவை (ஏப். 12) சந்திக்க உள்ளது.