கடலுார் : தமிழ்நாடு தொழிற்பயிற்சி அலுவலர் சங்கத்தினர், பல்வேறு கோரிக்கைகளை வலியுறுத்தி ஆர்ப்பாட்டத்தில் ஈடுபட்டனர்.

கடலுார் அரசு ஐ.டி.ஐ., வளாகத்தில் நடந்த ஆர்ப்பாட்டத்தில் துணைத் தலைவர் சுரேஷ் தலைமை தாங்கினார். தமிழ்நாடு அரசு ஊழியர் சங்க மாவட்ட தலைவர் வெங்கடாஜலபதி துவக்க உரையாற்றினார். கிளை தலைவர் ரமேஷ் விளக்க உரையாற்றினார்.

மாவட்ட செயலாளர் பாலகிருஷ்ணன், துணைத்தலைவர் அரிகிருஷ்ணன், மகளிர் தலைவர் துளசி பேசினர். தேர்தல் வாக்குறுதியின்படி திட்ட தொகுப்பூதிய பயிற்றுநர்கள் மற்றும் உதவியாளர்களை பணி நிரந்தரம் செய்ய வேண்டும்.

2005ம் ஆண்டு பணியில் சேர்ந்த பணிமனை உதவியாளர்களின் தொகுப்பூதிய காலத்தை பணிவரன்முறை செய்ய வேண்டும் என்பது உள்ளிட்ட பல்வேறு கோரிக்கைகள் ஆர்ப்பாட்டத்தில் வலியுறுத்தப்பட்டன. பொருளாளர் சதீஷ் நன்றி கூறினார்.