டெக்சாஸ்: அமேசான் நிறுவனர் ஜெப் பெசோஸிற்கு சொந்தமான ப்ளு ஆர்ஜின் விண்வெளி
நிறுவனம் தயாரித்துள்ள நியூ ஷெப்பர்ட்-31 விண்கலத்தில் சுற்றுலா சென்ற ஆறு பெண்கள் இன்று வெற்றிகரமாக பூமிக்கு திரும்பினர்.
விண்வெளிக்கு சுற்றுலா பயணிகளை அழைத்துச்செல்வதற்காக அமேசான் நிறுவனர் ஜெப் பெசோஸ் கடந்த சில ஆண்டுக்கு முன் நியூ ஷெப்பர்ட்-31 என்ற விண்கலத்தை ப்ளு ஆர்ஜின் நிறுவனம் வாயிலாக தயாரித்துள்ளார்


இந்த விண்கலத்தில் பிரபல பாப் பாடகி கேட்டி பெர்ரி உள்பட 6 பெண்கள் மேற்கு டெக்சாஸில் உள்ள ஏவுதளத்திலிருந்து விண்வெளிக்கு சுற்றுலா சென்று விட்டு பத்திரமாக பூமிக்கு திரும்பினர். முன்னதாக புறப்படுவதற்கு 90 நிமிடங்கள் கவுன்ட்டவுன் துவங்கியது. வெற்றிகரமாக விண்ணை நோக்கி இயங்கிய நியூ ஷெப்பர்ட்-31 விண்கலம் விண்வெளி குறீப்பிட்ட பகுதிக்கு சென்று விட்டு பத்திரமாக பூமிக்கு திரும்பியது.


கடந்த 1963ஆம் ஆண்டில் சோவியத் விண்வெளி வீராங்கனையான வாலன்டினா தெரெஷ்கோவ் தனியாக விண்வெளிக்குச் சென்று வந்த பிறகு, பெண்கள் மட்டுமே விண்வெளிப் பயணம் மேற்கொள்வது இதுவே முதல் முறை.