சென்னை:அமெரிக்கா - சீனா இடையில் நிலவும் வர்த்தக போர் உள்ளிட்ட காரணங்களால், சர்வதேச முதலீட்டாளர்கள் பாதுகாப்பு கருதி, தங்கத்தில் அதிக முதலீடு செய்கின்றனர். இதனால், சர்வதேச சந்தையில் தங்கம் விலை உயர்ந்துள்ளதால், நம் நாட்டில் அதன் விலை புதிய உச்சத்தை எட்டி வருகிறது.

தமிழகத்தில் நேற்று முன்தினம், 22 காரட் ஆபரண தங்கம் கிராம் 8,815 ரூபாய்க்கும், சவரன் 70,520 ரூபாய்க்கும் விற்பனையானது. வெள்ளி கிராம், 110 ரூபாய்க்கு விற்கப்பட்டது.

நேற்று, தங்கம் விலை கிராமுக்கு 105 ரூபாய் உயர்ந்து, 8,920 ரூபாய்க்கு விற்பனையானது. நேற்று ஒரே நாளில் சவரனுக்கு 840 ரூபாய் அதிகரித்து, 71,360 ரூபாய்க்கு விற்கப்பட்டது. வெள்ளி விலையில் மாற்றமில்லை.