திருப்போரூர்:ஓ.எம்.ஆர்., சாலையில், திருப்போரூர் - - தண்டலம் இடையே, தினமும் ஏராளமான வாகனங்கள் செல்கின்றன. இந்த சாலையின் நடுவே உள்ள மீடியன் பகுதியில், மண் குவியல் அதிகமாக இருந்தது.

இருசக்கர வாகனங்கள் செல்லும் போது, வாகன ஓட்டிகள் பாதிக்கப்பட்டு வந்தனர்.

திருப்போரூர் -- செங்கல்பட்டு சாலையில், தினமும் ஏராளமான வாகனங்கள் செல்கின்றன. இந்த சாலையிலும் உள்ள 'மீடியன்' பகுதியில், அதிக அளவில் மண் குவிந்துள்ளது.

சாலையில் குவிந்துள்ள மண் குவியலை அகற்ற நெடுஞ்சாலைத் துறையினர் நடவடிக்கை எடுக்க வேண்டும் என, நம் நாளிதழில் செய்தி வெளியானது.

இதையடுத்து நெடுஞ்சாலைத்துறையினர், ஓ.எம்.ஆர்., சாலையில், திருப்போரூர் - - தண்டலம் இடையே இருந்த மண் குவியலை அகற்றினர்.