ஸ்ரீபெரும்புதுார்:ஸ்ரீபெரும்புதுார் ஒன்றியத்திற்குட்பட்ட மாத்துார் ஊராட்சியில் 2,000க்கும் அதிகமான வீடுகள் உள்ளன. இங்குள்ள, பஜனை கோவில் தெரு, மூங்கிலம்மன் கோவில் தெரு உள்ளிட்ட பகுதிகளில், மழைநீர் மற்றும் வீட்டு உபயோக கழிவுநீர் வெளியேறும் வகையில் வடிகால்வாய் அமைக்கப்பட்டுள்ளன.

இந்த நிலையில், மழைநீர் வடிகால்வாயை ஊராட்சி நிர்வாகம் முறையாக பராமரிக்கவில்லை. மண் மற்றும் குப்பை கால்வாயில் தேங்கி, மழைநீர் வடிகால்வாய் முழுமையாக துார்ந்து உள்ளது.

இதனால், மழைநீர் கால்வாயில் வடிய வழியின்றி, குடியிருப்புகளை சூழுந்து, வெள்ள பாதிப்பு ஏற்படும் அபாயம் உள்ளது.

எனவே, சம்பந்தப்பட்ட அதிகாரிகள், மழைநீர் வடிகால்வாயை துார்வாரி சீரமைக்க நடவடிக்கை எடுக்க வேண்டும் என, அப்பகுதியினர் கோரிக்கை விடுத்துள்ளனர்.