காவிலிபாளையம் படகு சங்க தலைவர் பிரபு கூறியதாவது:கடற்கரையோரம் மட்டுமே நடத்தப்படும் படகு சவாரி, முதன் முறையாக, தமிழகத்தில் உள்ள கிராமப்புறத்தில் உள்ள குளத்தில் நடத்தப்படுகிறது. அமர்ந்து ஓட்டும், முட்டி தள்ளி ஓட்டும் முறை என, இரு வகை போட்டி நடத்தப்படுகிறது. தமிழகத்தின் பல இடங்களில் உள்ள பிரபல படகு போட்டி வீரர்கள் மற்றும் அணியினர் பங்கேற்கும் போட்டி நடத்த திட்டமிட்டுள்ளனர்.அதன் தொடர்ச்சியாக, உள்ளூர் கிராமப்புறங்களில் நீர் விளையாட்டில் ஆர்வமுள்ள மாணவ, மாணவியர், இளைஞர் மற்றும் இளம் பெண்களுக்கு உரிய பயிற்சி வழங்கி, அவர்களை நீர் விளையாட்டில் மாநில, தேசிய அளவிலான போட்டிகளில் பங்கேற்க செய்யும் வகையிலான 'பிரிமியர் லீக்' முறையிலான தேர்வு அடிப்படையில், பயிற்சிகள் வழங்கவும் திட்டமிடப்பட்டு உள்ளது.அவர்களுக்கு தேவையான உடை, உபகரணம், பயிற்சி என அனைத்தும் கிடைப்பதற்குரிய ஏற்பாடுகள் செய்யப்படும். நீர் விளையாட்டில் சிறந்து விளங்குவோருக்கு உயர்கல்வி, வேலை வாய்ப்பிலும் முன்னுரிமை கிடைக்கிறது. நீர் விளையாட்டுகளை பல்வேறு தனியார் நிறுவனங்கள் ஊக்குவிப்பதால், வேலை வாய்ப்பும் எளிதாகும். இந்த குளம் ஈரோடு, திருப்பூர், கோவை, நீலகிரி மாவட்டங்களின் மையப்பகுதியாக இருப்பதால், அம்மாவட்ட மாணவ, மாணவியர், இளைஞர், இளம் பெண்களும் நீர் விளையாட்டில் சாதிக்க முடியும்.அமைச்சர்கள் ஊக்குவித்தால்...போட்டியை நடத்த 'கனோயிங் மற்றும் கயாக்கிங்' மாநில அமைப்பு திட்டமிட்டுள்ள நிலையில், தமிழக விளையாட்டுத்துறை அமைச்சர் உதயநிதி, ஈரோடு அமைச்சர் முத்துசாமி, தொகுதி எம்.எல்.ஏ., செங்கோட்டையன் உள்ளிட்ட அனைவரது ஆதரவையும் கோரியுள்ளோம். அவர்களது ஊக்குவிப்பு இருந்தால், தமிழக அளவில், நீர் விளையாட்டு அது சார்ந்த சாதனையாளர்களை கிராமப்புறங்களில் இருந்து அதிகளவில் உருவாக்க முடியும்.இவ்வாறு, அவர் கூறினார்.---