பெர்த்: இந்திய பெண்கள் ஹாக்கி அணி 4வது தோல்வியை பெற்றது.

ஆஸ்திரேலியா சென்றுள்ள இந்திய பெண்கள் ஹாக்கி அணி, ஐந்து போட்டிகள் கொண்ட தொடரில் பங்கேற்கிறது. முதற்கட்டமாக ஆஸ்திரேலியா 'ஏ' அணிக்கு எதிராக விளையாடிய 3 போட்டியிலும் தோல்வியடைந்தது. பெர்த்தில் நடந்த போட்டியில் இந்திய அணி, சீனியர் ஆஸ்திரேலியாவை எதிர்கொண்டது.

இந்திய அணி 2-3 என்ற கோல் கணக்கில் தொடர்ச்சியாக 4வது தோல்வியை பதிவு செய்தது. இந்திய அணிக்கு நவ்னீத் கவுர் (35வது நிமிடம்), லால்ரெம்சியாமி (59வது) தலா ஒரு கோல் அடித்து ஆறுதல் தந்தனர். ஆஸ்திரேலியா சார்பில் கிரேஸ் ஸ்டீவர்ட் (2வது நிமிடம்), ஜேட் ஸ்மித் (36வது), கிரேடா ஹேய்ஸ் (42வது) கைகொடுத்தனர்.
இவ்விரு அணிகள் மோதும் கடைசி போட்டி பெர்த்தில் இன்று நடக்கிறது.