சிவகங்கை : காளையார்கோவில் ஊராட்சியில் 9 வார்டுகளில் 40 ஆயிரத்திற்கும் மேற்பட்ட மக்கள் வசிக்கின்றனர். இந்த ஊராட்சியில் துாய்மை பணியாளர் 6 பேர் துாய்மை பாரத திட்டத்தில் 21 பேர், தற்காலிகமாக 15 துாய்மை பணியாளர்கள் பணிபுரிகின்றனர்.இவர்கள் தினமும் 6 டன் குப்பை சேகரிக்கின்றனர்.

காளையார்கோவிலில் உள்ள தனியார் மருத்துவமனைகளில் சேகரமாகும் மருத்துவ கழிவுகளை குப்பை தொட்டியில் கொட்டாமல் மருத்துவ கழிவு சுத்திகரிப்பிற்காக பிரித்து அனுப்பப்படுகிறது.

இந்நிலையில் ஒரு சிலர் அவ்வப்போது குப்பை தொட்டியில் மருத்துவக் கழிவுகளை கொட்டுகின்றனர்.

நேற்று வி.ஐ.பி.,நகரில் உள்ள குப்பை தொட்டியில் மருத்துவ கழிவுகளை கொட்டி சென்றுள்ளனர். ஊராட்சி நிர்வாகம் மருத்துவ கழிவுகளை குப்பை தொட்டியில் கொட்டுபவர்கள் மீது நடவடிக்கை எடுக்க வேண்டும்.