மணலி: மணலி, பெரியதோப்பு பகுதியைச் சேர்ந்தவர் காசி, 70. இவர், நான்கு பசுமாடுகளை வைத்து, பிழைப்பு நடத்தி வருகிறார். நேற்று மாலை, மணலி - ஆமுல்லைவாயல் பகுதியில், மாடுகளை மேய்ச்சலுக்கு ஓட்டி சென்றார்.

மாலையில் வீடு திரும்பிய போது, திடீரென மழை பெய்தது. அப்போது, மணலி - லால்பகதுார் சாஸ்திரி தெருவில் வந்து கொண்டிருந்த அவரது பசுமாடு ஒன்று, தெருவிளக்கு கம்பத்துடன் இணைக்கப்பட்டிருந்த மின் ஒயரை மிதித்துள்ளது.

இதில், மின்சாரம் பாய்ந்து, சம்பவ இடத்திலேயே உயிரிழந்தது. இது குறித்து, தகவலறிந்த மின் வாரிய அதிகாரிகள், மின் ஒயர் இணைப்பை சரிசெய்தனர்.