ஸ்ரீமுஷ்ணம்: ஸ்ரீமுஷ்ணம் அருகே 5 மூட்டை குட்கா கடத்திய 4 பேரை போலீசார் கைது செய்தனர்.

கடலுார் மாவட்டம், ஸ்ரீமுஷ்ணம் அருகே தஞ்சாவூரான்சாவடி எல்லையில் இன்ஸ்பெக்டர் வீரசேகரன், சப் இன்ஸ்பெக்டர் அண்ணாமலை மற்றும் போலீசார் நேற்று வாகன சோதனை செய்தனர்.

அப்போது, அரியலுார் மாவட்டம், ஆண்டிமடம் வழியாக ஸ்ரீமுஷ்ணம் நோக்கி வந்த காரை சந்தேகத்தின் பேரில் நிறுத்தி சோதனை செய்தனர். அதில் 5 மூட்டைகள் குட்கா இருந்தது தெரிந்தது.

காரில் இருந்த அரியலுார் மாவட்டம், கூவத்துார் கிளிண்டன்ராஜ், 27; ஸ்ரீமுஷ்ணம் வெங்கடேசன்,48; ஆகியோரிடம் நடத்திய விசாரணையில், குட்கா கடத்தி வந்தது தெரிந்தது. இவர்கள் கொடுத்த தகவலின் பேரில், ஆட்டோவில் குட்கா கடத்திச் சென்ற ஸ்ரீமுஷ்ணம் சுரேஷ், 30; மணிகண்டன், 29; ஆகியோரையும் போலீசார் பிடித்தனர்.

உடன், போலீசார் வழக்குப் பதிந்து வெங்கடேசன் உட்பட 4 பேரை கைது செய்தனர். இவர்களிடம் 5 மூட்டைகளில் இருந்த 105 கிலோ குட்கா, 5 கிலோ கூல்லிப் மற்றும் குட்கா கடத்தலுக்கு பயன்படுத்திய கார், ஆட்டோவை பறிமுதல் செய்தனர்.