அல் ஐன்: ஆசிய 'கான்டினென்டல்' செஸ் 4வது சுற்றில் இந்தியாவின் இனியன், முரளி கார்த்திகேயன் உள்ளிட்டோர் வெற்றி பெற்றனர்.

ஐக்கிய அரபு எமிரேட்சில் (யு.ஏ.இ.,), ஆசிய 'கான்டினென்டல்' செஸ் சாம்பியன்ஷிப் நடக்கிறது. இதன் 3வது சுற்றில் இந்தியாவின் இனியன் (கருப்பு), முரளி கார்த்திகேயன் (வெள்ளை) மோதினர். விறுவிறுப்பான இப்போட்டி 39வது நகர்த்தலில் 'டிரா' ஆனது. மற்றொரு 3வது சுற்றில் இந்தியாவின் நிஹால் சரின், ஈரானின் ரேசா மஹ்தவியை வீழ்த்தி, தொடர்ந்து 2வது வெற்றியை பதிவு செய்தார்.
அடுத்து நடந்த 4வது சுற்றில் இனியன், சீனாவின் யிகான் மெங் மோதினர். வெள்ளை நிற காய்களுடன் களமிறங்கிய இனியன் 68வது நகர்த்தலில் வெற்றி பெற்றார். மற்றொரு போட்டியில் இந்தியாவின் முரளி கார்த்திகேயன் (கருப்பு), ஈரானின் சினா மோவஹெட்டை தோற்கடித்தார். இந்தியாவின் அபிஜீத் குப்தா, ஈரானின் அப்டின் அடாகானை வென்றார்.


பெண்கள் பிரிவு 4வது சுற்றில் இந்தியாவின் நந்திதா வெற்றி பெற்றார். மற்ற இந்திய வீராங்கனைகளான வந்திகா அகர்வால், மேரி ஆன் கோம்ஸ், ரக் ஷிதா, தங்களது போட்டியை 'டிரா' செய்தனர்.