பாக்., பீரங்கி தாக்குதலில் பலியான ராஜ்குமார், 2001ல் காஷ்மீர் அரசு பணியில் சேர்ந்தார். டாக்டரான இவர், மாநில திறன் மேம்பாட்டு திட்ட இயக்குநர், வேலை வாய்ப்புத் துறை சிறப்பு செயலர் என முக்கியமான பதவிகளை வகித்து, காஷ்மீரில் அமைதி திரும்ப உறுதுணையாக இருந்ததால், மக்கள் அதிகாரி என பாராட்டு பெற்றவர். கடந்த ஆண்டு, மர்ம காய்ச்சலால் ரஜோரியில் மூன்று குடும்பங்களைச் சேர்ந்த 13 குழந்தைகள் உட்பட 17 பேர் உயிரிழந்தபோது, நிலைமையை மிகச் சிறப்பாக கையாண்டார்.

பாக்., பீரங்கி தாக்குதலில் பலியான ராஜ்குமார், 2001ல் காஷ்மீர் அரசு பணியில் சேர்ந்தார். டாக்டரான இவர், மாநில திறன் மேம்பாட்டு திட்ட இயக்குநர், வேலை வாய்ப்புத் துறை சிறப்பு செயலர் என முக்கியமான பதவிகளை வகித்து, காஷ்மீரில் அமைதி திரும்ப உறுதுணையாக இருந்ததால், மக்கள் அதிகாரி என பாராட்டு பெற்றவர். கடந்த ஆண்டு, மர்ம காய்ச்சலால் ரஜோரியில் மூன்று குடும்பங்களைச் சேர்ந்த 13 குழந்தைகள் உட்பட 17 பேர் உயிரிழந்தபோது, நிலைமையை மிகச் சிறப்பாக கையாண்டார்.பஞ்சாபின் எல்லையோர கிராமங்களில் நேற்று அடுத்தடுத்து இரண்டு இடங்களில் பலத்த வெடி சத்தத்தைத் தொடர்ந்து, மிகப்பெரிய பள்ளம் ஏற்பட்டது. எல்லையில் ட்ரோன் தாக்குதலில் பாக்., ஈடுபட்ட நிலையில், அவற்றை நம் படையினர் முறியடித்தனர். இதற்கிடையே, பக்வாரா மாவட்டத்தின் கல்யாண் -சாஹ்னி கிராமங்களின் இடையே வயல் பகுதியில் நேற்று அதிகாலை 2:40 மணிக்கு மர்ம பொருள் விழுந்து வெடித்தது. இதுபோல, குர்தாஸ்புர் மாவட்டத்தின் ராஜுபெலா சிக்ரான் கிராமத்திலும் விவசாய நிலத்தில், காலை 4:50 மணிக்கு பயங்கர வெடி சத்தம் கேட்டது. அதன் தொடர்ச்சியாக, இரு இடங்களிலும் 15 அடி ஆழம், 35 அடி சுற்றளவுக்கு மிகப்பெரிய பள்ளம் ஏற்பட்டது. இந்த இரண்டு சம்பவங்களிலும் யாரும் காயமடையவில்லை. இதையடுத்து, பள்ளங்கள் ஏற்பட்ட பகுதிகளில் போலீஸ் மற்றும் ராணுவத்தினர் முகாமிட்டுள்ளனர்.