புதுச்சேரி: பீகாரில் நடைபெற்று வரும் கேலோ இந்தியா விளையாட்டு திருவிழாவில் பளு துாக்கும் போட்டியில் புதுச்சேரி மாணவி வெள்ளி பதக்கம் பெற்று பெருமை சேர்த்துள்ளார்.

கேலோ இந்தியா இளைஞர்தேசியவிளையாட்டு விழா கடந்த 4ம் தேதி முதல் பீகார் மாநிலத்தில் நடைபெற்று வருகிறது.

18 வயதிற்கு உட்பட்ட பள்ளி மாணவர்களுக்கான இப்போட்டியில் புதுச்சேரி மாநிலம் சார்பில், மல்லர் கம்பம், செட்டக் சக்ரா, மல்யுத்தம், பளு துாக்குதல் மற்றும் கலரி பையட் ஆகிய போட்டிகளில் மொத்தம் 26 மாணவ, மாணவிகள் பங்கேற்றுள்ளனர். இதில், நேற்று நடந்த பளு துாக்கும் போட்டியில், 40 கிலோ எடை பிரிவில் ஒடிசாவை சேர்ந்த ஜாய்ஷனா சபர் 122 கிலோ எடையை துாக்கி தங்கம் வென்றார்.

புதுச்சேரியை சேர்ந்த தர்ஷிணிபிரியா 116 கிலோ எடைய துாக்கி வெள்ளி பதக்கம் வென்றார். தமிழ்நாட்டை சேர்ந்த ஐஸ்வரியா 115 கிலோ எடையை துாக்கி வெண்கலப் பதக்கம் வென்றுள்ளார்.