பேரிகை: கிருஷ்ணகிரி மாவட்டம், பேரிகை ஸ்டேஷன் எஸ்.ஐ., மூக்-கப்பன் மற்றும் போலீசார், நேற்று முன்தினம் மாலை, 5:30 மணிக்கு, தொட்டேகவுண்டனுார் சாலையில் உள்ள ராமன்-தொட்டி கேட் அருகே வாகன சோதனை செய்தனர்.

அவ்வழியாக ஹீரோ ஸ்பிளண்டர் பைக்கை சோதனை செய்ய போலீசார் நிறுத்-தினர். இதை கவனித்த பைக்கில் வந்த நபர், சில அடி முன்பாக பைக் நிறுத்தி, அப்படியே கீழே போட்டு விட்டு தப்பியோடினார்.சந்தேகமடைந்த போலீசார், பைக்கிலிருந்த பையை திறந்து பார்த்தபோது அதில், 40,000 ரூபாய் மதிப்புள்ள, 4 கிலோ கஞ்சா, ஒரு மொபைல்போன் இருந்தது. கர்நாடகாவில் இருந்து கஞ்சாவை கடத்தி செல்வது தெரிந்தது. அதை பைக்குடன் பறி-முதல் செய்து, ஸ்டேஷனுக்கு கொண்டு வந்த போலீசார், தப்பி-யோடிய மர்ம நபரை தேடி வருகின்றனர்.