புதுச்சேரி : புதுச்சேரி கால்நடை பராமரிப்பு மற்றும் கால்நடைத்துறை சார்பில், கால்நடை விவசாயிகளுக்கான குறுஞ்செய்தி சேவை துவக்கம் நிகழ்ச்சி, துறை அலுவலகத்தில் நடந்தது.

முதல்வர் ரங்கசாமி தலைமை தாங்கி, கால்நடை விவசாயிகளுக்கு குறுஞ்செய்தி மற்றும் குரல்வழிச் செய்தி சேவைகளை துவக்கி வைத்தார். கால்நடைத்துறை அமைச்சர் தேனீ ஜெயக்குமார், கால்நடைத்துறை அரசு செயலாளர் நெடுஞ்செழியன் ஆகியோர் முன்னிலை வகித்தனர்.

கால்நடை நலத்துறை இயக்குனர் லதா மங்கேஷ்கர், இணை இயக்குனர்கள், கால்நடை மருத்துவர்கள், கால்நடை விவசாயிகள் கலந்து கொண்டனர்.

இச்சேவைகள் மூலம் கால்நடை வளர்ப்பவர்களுக்கு கால்நடை நலன், நோய் தடுப்பு, அரசு திட்டங்கள், விவசாயிகள் சந்திப்பு மற்றும் பயிற்சி, சுகாதாரம் மற்றும் தடுப்பூசி முகாம்கள், பேரிடர் மேலாண்மை மற்றும் சிறந்த கால்நடை வளர்ப்பு முறைகள் போன்ற முக்கிய தகவல்களை குறித்த நேரத்துடன் துல்லியமாக பெற முடியும்.