கோவை,: கோவை கலெக்டர் அலுவலகத்தில் நில அளவைப் பதிவேடுகள் துறை சார்பில் ரூ.15 லட்சம் மதிப்பீட்டில், புதுப்பிக்கப்பட்ட கோவை மண்டல நில அளவை பயிற்சி மையத்தை கலெக்டர் திறந்து வைத்தார்.

இம்மையத்தில் கோவை மண்டலத்துக்குட்பட்ட, கோவை, நீலகிரி, நாமக்கல், திருப்பூர், ஈரோடு, சேலம், கிருஷ்ணகிரி, தர்மபுரி ஆகிய மாவட்டங்களை சேர்ந்த, கிராம நிர்வாக அலுவலர்களுக்கு நில அளவை குறித்து, ஒரு மாத காலப் பயிற்சி அளிக்கப்படும். இப்பயிற்சி வகுப்புகள் வரும் திங்கள் முதல் துவங்குகிறது.