தாஷ்கென்ட்: ஆசிய 'யூத்' டேபிள் டென்னிசில் ஒரு வெள்ளி உட்பட 3 பதக்கம் வென்றது இந்தியா.

உஸ்பெகிஸ்தானில், ஆசிய 'யூத்' டேபிள் டென்னிஸ் சாம்பியன்ஷிப் 29வது சீசன் நடக்கிறது. இதில் 15 வயதுக்குட்பட்ட ஆண்கள் அணிகளுக்கான பைனலில் இந்தியா, சீனா மோதின. சாஹில் ரவாத், ரித்விக் குப்தா, ஆதித்யா தாஸ் அடங்கிய இந்திய அணி 0-3 என்ற கணக்கில் தோல்வியடைந்தது. ஆசிய யூத் தொடரில் முதன்முறையாக வெள்ளி வென்று வரலாறு படைத்தது இந்தியா.
பின், 19 வயதுக்குட்பட்ட ஆண்கள் அணிகளுக்கான அரையிறுதியில் இந்தியா, தென் கொரியா அணிகள் மோதின. அபினந்த் பிரதிவதி, அங்கூர் பட்டாசார்ஜீ, பிரியானுஜ் பட்டாசார்யா அடங்கிய இந்திய அணி 2-3 என போராடி தோல்வியடைந்து வெண்கலம் கைப்பற்றியது.


19 வயதுக்குட்பட்ட கலப்பு இரட்டையர் அரையிறுதியில் இந்தியாவின் அங்கூர் பட்டாசார்ஜீ, தனீஷா ஜோடி 2-3 என தென் கொரியாவின் கிம் கயோன், பார்க் கஹியோன் ஜோடியிடம் தோல்வியடைந்து வெண்கலம் வென்றது.

இத்தொடரில் இதுவரை இந்தியாவுக்கு ஒரு வெள்ளி, 2 வெண்கலம் என 3 பதக்கம் கிடைத்துள்ளது.