ஆத்துார், ஆத்துார் வேளாண் உற்பத்தியாளர்கள் கூட்டுறவு சங்கத்தில், 12 லட்சம் ரூபாய்க்கு பருத்தி வர்த்தகம் நடந்தது.

ஆத்துார் வேளாண் உற்பத்தியாளர் கூட்டுறவு விற்பனை சங்கத்தில், வாரந்தோறும் பருத்தி, மஞ்சள் ஏலம் நடந்து வருகிறது. நேற்று பருத்தி ஏலத்துக்கு ஆத்துார், தலைவாசல், கெங்கவல்லி, வீரகனுார், தம்மம்பட்டி, சின்னசேலம், பெரம்பலுார் பகுதிகளில் இருந்து, 184.59 குவிண்டால் பருத்தி விற்பனைக்கு கொண்டு வந்தனர்.

பி.டி., ரகம் பருத்தி குவிண்டால், 6,989 முதல், 7,819 ரூபாய்; டி.சி.ெஹச்., ரகம் குவிண்டால், 9,269 முதல், 10 ஆயிரத்து, 289 ரூபாய்; கொட்டுபருத்தி குவிண்டால், 3,689 முதல், 4,569 ரூபாய் என, 184.59 குவிண்டால் பருத்தி, 12 லட்சம் ரூபாய்க்கு வர்த்தகம் நடந்தது. கடந்த வாரத்தை விட பி.டி., ரகம் பருத்தி குவிண்டாலுக்கு, 300 ரூபாய் விலை குறைந்துள்ளது.