மேற்காசிய நாடான யு.ஏ.இ., எனப்படும் ஐக்கிய அரபு எமிரேட்ஸ், கோல்டன் விசா பெறுவதற்கான புதிய நடைமுறைகளை அறிமுகம் செய்துள்ளது. இது, இந்தியா மற்றும் வங்கதேசத்தைச் சேர்ந்தவர்களுக்கு வழங்கப்படும்.

இதன் சிறப்பு அம்சங்கள்

* வாழ்நாள் முழுதும் தங்கியிருக்கலாம்

* ஏற்கனவே உள்ள திட்டங்களின்படி, அந்த நாட்டில் குறைந்தபட்சம் 4.66 கோடி ரூபாய் மதிப்புள்ள சொத்தில் முதலீடு செய்ய தேவையில்லை. அதுபோல, தொழில்களிலும் முதலீடு செய்ய தேவையில்லை

* ஒரு முறை கட்டணமாக 23.30 லட்சம் ரூபாய் செலுத்தினால் போதும்

* இந்த கோல்டன் விசா பெற்றவர்கள், அந்த நாட்டில் தங்கியிருக்கலாம்; வேலை பார்க்கலாம்; படிக்கலாம்

* வாழ்நாள் முழுதும் செல்லுபடியாகும். அதே நேரத்தில் ஐந்து அல்லது 10 ஆண்டுகளுக்கு ஒருமுறை புதுப்பித்து கொள்ள வேண்டும்

* உள்நாட்டைச் சேர்ந்தவர்கள் 'ஸ்பான்சர்' செய்ய தேவையில்லை

* இந்த விசா பெற்றவர்கள், வெளிநாடுகளில் ஆறு மாதங்கள் வரை தங்கலாம். அவர்களுடைய குடியிருக்கும் உரிமை பறிபோகாது

* எந்த வயதை சேர்ந்த குடும்ப உறுப்பினர்களையும் ஸ்பான்சர் செய்யலாம்

* எத்தனை வேலைக்காரர்களையும் அழைத்து செல்லலாம்

* கோல்டன் விசா பெற்றவர் உயிரிழந்த பிறகும், அவருடைய குடும்பத்தினர் தங்கியிருக்கலாம்

* முதலீட்டு கோல்டன் விசாக்களை போல் இல்லாமல், சொத்துக்களை விற்றாலும் இந்த நியமன கோல்டன் விசா காலாவதி ஆகாது.

என்னென்ன தகுதிகள்

* தனிப்பட்ட தொழில் அல்லது பணி பின்னணி

* சமூகத்துக்கான பங்களிப்பு

* யு.ஏ.இ.,யின் கலாசார, வர்த்தகம், அறிவியல், நிதி, ஸ்டார்அப் தொழில்களில் கிடைக்கக்கூடிய எதிர்கால பங்களிப்பு

* எவ்வித பண மோசடி, குற்ற வழக்கு இருக்கக்கூடாது

* சமூக வலைதள நடவடிக்கைகள் சர்ச்சைக்குரியதாக இருக்கக்கூடாது.

எப்படி விண்ணப்பிக்கலாம்

* கோல்டன் விசாக்கள், 'ராயட்' குழுமத்தால் கையாளப்படுகிறது. இந்த குழுமம், வி.எப்.எஸ்., மற்றும் ஒன் வாஸ்கோ ஆகிய நிறுவனங்களின் மையங்கள் வாயிலாக விண்ணப்பங்களை பெறும்

* இந்த நிறுவனங்களின் இணையதளம் அல்லது கால் சென்டர்கள் வாயிலாக விண்ணப்பிக்கலாம்

* அவை பரிசீலிக்கப்பட்டு, யு.ஏ.இ., அரசின் இறுதி ஒப்புதலுக்காக அனுப்பப்படும்.

@block_B@

யு.இ.ஏ.,யின் புதிய கோல்டன் விசா அறிவிப்பு, பெரும் வரவேற்பை பெற்றுள்ளது. இது குறித்து சமூக வலைதளத்தில், அபினவ் குக்ரேஜா என்ற தொழிலதிபர் ஒரு பதிவை வெளியிட்டுள்ளார். அதில் அவர் கூறியதாவது:உங்களிடம், 1 கோடி ரூபாய் இருக்கிறதா. இரண்டு விஷயங்கள் செய்யலாம். இந்தியாவில், 'மெர்சிடஸ் பென்ஸ்' காரை வாங்கலாம் அல்லது துபாயில் வாழ்நாள் முழுதுக்குமான கோல்டன் விசாவை வாங்கி, அங்கு சென்று மெர்சிடஸ் பென்ஸ் வாங்கலாம்.

இந்தியாவில் மெர்சிடஸ் பென்ஸ் கார் விலை 1 கோடி ரூபாய். அதே நேரத்தில், கோல்டன் விசாவை 23.3-0 லட்சம் ரூபாய்க்கு வாங்கலாம். மெர்சிடஸ் பென்ஸ் காரை 74 லட்சம் ரூபாய்க்கு வாங்கலாம். இதற்கு, 97.3 லட்சம் ரூபாய் போதும்.இவ்வாறு அவர் கூறினர்.block_B