புதுடில்லி: ''துணை ஜனாதிபதி ஜக்தீப் தன்கர் ஏன் ராஜினாமா செய்தார் என்பதற்கு அரசு பதில் அளிக்க வேண்டும்'' என காங்கிரஸ் தலைவர் மல்லிகார்ஜூன கார்கே தெரிவித்துள்ளார்.


துணை ஜனாதிபதி ஜக்தீப் தன்கரின் ராஜினாமா குறித்து, காங்கிரஸ் தலைவர் கார்கே கூறியதாவது: துணை ஜனாதிபதி ஜக்தீப் தன்கர் ஏன் ராஜினாமா செய்தார் என்பதற்கு அரசாங்கம் பதிலளிக்க வேண்டும். இதில் ஏதோ சந்தேகம் இருக்கிறது என்று எனக்கு தோன்றுகிறது.

அவரது உடல்நிலை நன்றாக உள்ளது. அவர் எப்போதும் ஆர்.எஸ்.எஸ்., மற்றும் பா.ஜ.,வை ஆதரித்து வந்தார். அவரது ராஜினாமாவுக்குப் பின்னால் யார், என்ன இருக்கிறது என்பது நாட்டுக்குத் தெரிய வேண்டும்.



ஆர்.எஸ்.எஸ்., வரலாற்றை தலைகீழாக எழுத முயற்சிக்கிறது. நேரு எழுதிய புத்தகத்தை அவர்கள் நிராகரிக்கிறார்கள். ஆர்.எஸ்.எஸ்ஸுக்கும், இந்தியாவுக்கும் வெவ்வேறு வரலாறு உண்டு. இவ்வாறு அவர் கூறினார்.