ஓய்வுக்கு பின் எந்த அரசு பதவியும் ஏற்க மாட்டேன்; உறுதியுடன் சொல்கிறார் உச்ச நீதிமன்ற நீதிபதி கவாய்!
மும்பை: "ஓய்வுக்குப் பின் எந்த அரசு பதவியும் ஏற்க மாட்டேன்" என உச்ச நீதிமன்ற தலைமை நீதிபதி கவாய் திட்டவட்டமாக தெரிவித்துள்ளார்.
மஹாராஷ்டிராவின் அமராவதி மாவட்டத்தில் உள்ள தனது சொந்த கிராமமான தாராபூரில், நடந்த நிகழ்ச்சியில் உச்ச நீதிமன்ற தலைமை நீதிபதி கவாய் பேசியதாவது: தனது சொந்த கிராமத்தில் தலைமை நீதிபதியாக அல்ல, சொந்த மாவட்டத்தில் வசிப்பவன் போல் இருக்கிறேன்.
ஓய்வுக்குப் பிறகு எனக்கு அதிக நேரம் கிடைக்கும், எனவே தாராபூர், அமராவதி மற்றும் நாக்பூரில் அதிக நேரம் செலவிட முயற்சிப்பேன். மக்களுக்கு எளிதில் நீதி கிடைக்க வேண்டும்.
நீதிபதி நியமனங்களை விரைவு படுத்த மத்திய அரசிடம் வலியுறுத்த முயற்சி செய்து வருகின்றேன். இவ்வாறு அவர் பேசினார்.
கேரளா மற்றும் பீஹார் கவர்னராக பணியாற்றிய தனது தந்தை ஆர்.எஸ். கவாயின் 10வது நினைவு தினத்தை யொட்டி, அவர் தனது சொந்த கிராமத்தில் ஒரு நினைவு நிகழ்வில் கலந்து கொண்டார். அப்போது தான், வரும் நவம்பர் மாதம் ஓய்வு பெற உள்ள உச்ச நீதிமன்ற தலைமை நீதிபதி கவாய் ஓய்வுக்குப் பிறகு உள்ள திட்டங்களை வெளிப்படையாக பேசி இருக்கிறார்.
வர்மா மாதிரி இன்னும் சில சகவாசம் இருந்தால் ரிடையர்டு லைப் பற்றி கவலையில்லை. இப்போதும் ஜஸ்டிஸ் வர்மான்னு மரியாதையா விளிக்கணும்னு சொன்னதுல பல அர்த்தம் தெரியுது.
ஜனாதிபதிக்கே டைம் .:.பிக்ஸ் பண்ணும் பதவியில் ,, இருந்தவர் , வேற எந்த பதவிக்கு போனாலும் , அடுத்தவங்க சொல்ற டைமுக்குதான் வேலை செய்யணும் .அதான் யோசிக்கிறார் போல . . அது முடியுமோ ? . . ஆனாலும் ? . . பல திசைகளில் இருந்து ஈர்ப்பு விசை இழுக்குமே . . .
ஆனால் பணம் மிக மிக அதிகமாக கொடுக்கும் கட்சியில் சேருவேன் - இப்படிக்கு இந்திய அநீதிபதிகளின் வீர வசனம் யாரோ இவருக்கு பதவி கொடுக்க தயாராக இருப்பது போல நினைக்கிறார். நீதி துறையிலும் சாதியை புகுத்தி சாதனை படைத்ததற்கு பதவி வேண்டுமா அப்பா கட்சி RPI கவாய் திரும்ப நடத்தலாம் பார்க்கலாம் . இது போல பேசியே பலர் உண்டு அனால் ஃபாலோ பண்ணுவது யாரும் இல்லை அதையும்தான் பாப்போமே அவரே அவங்க அப்பா செஞ்சது தப்புனு சொல்ல வராறா? சிலர் ஆளுனர் கனவில் இருப்பதாக ஊடகங்களில் செய்திகள் வருவதாக மக்கள் பேசுகிறார்கள்
இவர் இப்பவே இப்படி அறிவிக்க வேண்டிய அவசியம் என்ன என்று தெரியவில்லை. இவருடைய நேர்மை கடமையுணர்வு மற்றும் அர்ப்பணிப்பு ஆகியவற்றை இவர் பதவி முடிந்த பின்னர் மத்திய அரசு ஒரு சிக்கலான விஷயத்தில் இவருடைய அட்வைஸ் மற்றும் பங்களிப்பு தேவைப்படும் போது அழைத்தால் அல்லது கேட்டுக்கொண்டால் இவர் தன்னுடைய பங்களிப்பை செய்ய வேண்டும். ஆனால் இவர் இபாபோதே அதை செய்யமாட்டேன் என்றும் அது மாதிரி விஷயங்களை இவர் பதவி என்றும் வகைப்படுத்துகிறார். சசி தரூர் போல வரும் காலங்களில் தேச நலனை கருத்தில் கொண்டு இவர் சேவை தேவைப்படும் பட்சத்தில் அதை பதவி என்று குறுகிய வட்டத்துக்குள் அடைக்காமல் பரந்த மனப்பான்மையோடு இறங்கி சேவையாற்ற வேண்டும். அந்தமாதிரி மனப்பாங்கு உள்ளவர்கள் இவர் மாதிரி தாட் பூட் தஞ்சாவூர் ன்னு பேச மாட்டாங்க.
பிழைக்க தெரியாதவர்.
