கடலுார்: கடலுார் மாவட்ட டேக்வாண்டோ வீரர்கள், மாவட்ட விளையாட்டு அலுவலரை சந்தித்து வாழ்த்து பெற்றனர்.

சென்னை நேரு விளையாட்டு அரங்கில் கடந்த ஆண்டில் நடந்த சர்வதேச, தேசிய, மாநில அளவிலான டேக்வாண்டோ போட்டியில் வெற்றி பெற்ற வீரர், வீராங்கனைகளுக்கு துணை முதல்வர் உதயநிதி பாராட்டு சான்றிதழ் வழங்கினார்.

துணை முதல்வரிடம் பாராட்டுச்சான்று பெற்ற கடலுார் மாவட்ட டேக்வாண்டோ வீரர், வீராங்கனைகள் மாவட்ட விளையாட்டு அலுவலர் மகேஷ்குமாரிடம் வாழ்த்து பெற்றனர். பயிற்சியாளர் இளவரசன் உடனிருந்தார்.