வேலுார்: ஆன்லைன் டிரேடிங்கில், 50 லட்சம் ரூபாயை இழந்ததால், தனியார் நிதி நிறுவன மேலாளர் தற்கொலை செய்து கொண்டார்.


வேலுார் மாவட்டம், குடியாத்தம், செதுக்கரையை சேர்ந்தவர் சங்கர், 36; தனியார் நிதி நிறுவன மேலாளர். இவரது மனைவி பிரியங்கா, 31; தம்பதிக்கு இரு மகன்கள் உள்ளனர். ஆன்லைன் டிரேடிங் செயலியில், 50 லட்சம் ரூபாய் செலுத்தி வியாபாரம் செய்து வந்தார். இதில், நஷ்டம் ஏற்பட்டதால் சில மாதங்களாக மன உளைச்சலில் இருந்தார்.




பள்ளிகொண்டா அடுத்த இறைவன்காடு ப குதியில் தேசிய நெடுஞ்சாலையோரம் நேற்று முன்தினம் காரை நிறுத்தி, விஷம் குடித்துள்ளார். இதுகுறித்து மனைவிக்கு மொபைல்போனிலும் தெரிவித்துள்ளார். கணவரை மீட்ட மனைவி, வேலுார் அரசு மருத்துவமனைக்கு கொண்டு சென்றார். ஆனால், வழியிலேயே சங்கர் இறந்து விட்டார். பள்ளிக்கொண்டா போலீசார் விசாரிக்கின்றனர்.