காலிறுதியில் ஸ்பெயின்
மாடோசின்ஹோஸ்: போர்ச்சுகலில் நடக்கும் பெண்களுக்கான (20 வயது) 'யூரோ' கூடைப்பந்து 'ரவுண்டு-16' போட்டியில் ஸ்பெயின், ஜெர்மனி அணிகள் மோதின. ஸ்பெயின் அணி 88-69 என வெற்றி பெற்றது. போர்ச்சுகல் அணி 75-91 என, பெல்ஜியத்திடம் வீழ்ந்தது.

ஐஸ்லாந்து அசத்தல்


கெய்ரோ: எகிப்தில் நடக்கும் ஆண்கள் (19 வயது) உலக ஹேண்ட்பால் சாம்பியன்ஷிப் லீக் போட்டியில் ஐஸ்லாந்து, சவுதி அரேபியா அணிகள் மோதின. ஐஸ்லாந்து அணி 43-27 என வெற்றி பெற்றது. டென்மார்க் அணி 36-25 என அமெரிக்காவை தோற்கடித்தது.

அர்ஜென்டினா அபாரம்
சுரபயா: இந்தோனேஷியாவில் நடக்கும் பெண்கள் (21 வயது) உலக வாலிபால் சாம்பியன்ஷிப் லீக் போட்டியில் அர்ஜென்டினா, கனடா அணிகள் மோதின. அர்ஜென்டினா அணி 3-0 என வெற்றி பெற்றது. அமெரிக்க அணி 3-1 என தென் கொரியாவை வென்றது.


மயாமி முன்னேற்றம்
போர்ட் லாடர்டேல்: அமெரிக்காவில் நடக்கும் லீக்ஸ் கோப்பை கால்பந்து போட்டியில் லுாயிஸ் சாரஸ் தலைமையிலான இன்டர் மயாமி அணி 3-1 என்ற கோல் கணக்கில் பூமாஸ் அணியை வீழ்த்தியது. மயாமி அணி 8 புள்ளிகளுடன் காலிறுதிக்கு முன்னேறியது.


எக்ஸ்டிராஸ்


* மணிப்பூரின் இம்பாலில் நடந்த துாரந்த் கோப்பை கால்பந்து லீக் போட்டியில் இந்திய கடற்படை, 'நெரோகா' எப்.சி., அணிகள் மோதின. இப்போட்டி கோல் எதுவுமின்றி 'டிரா' ஆனது.

* துலீப் டிராபி கிரிக்கெட் தொடருக்கான (ஆக. 28 - செப். 11) வடக்கு மண்டல அணிக்கு கேப்டனாக சுப்மன் கில் நியமிக்கப்பட்டார். இந்த அணியில் அர்ஷ்தீப் சிங், ஹர்ஷித் ராணா, அன்ஷுல் கம்போஜ் உள்ளிட்டோர் இடம் பெற்றுள்ளனர்.

* இந்தியா 'ஏ' அணிக்கு எதிராக 4 நாள் போட்டி கொண்ட தொடரில் (செப். 16-19, 23-26, லக்னோ) பங்கேற்கும் ஆஸ்திரேலியா 'ஏ' அணிக்கு சாம் கான்ஸ்டாஸ், நாதன் மெக்ஸ்வீனி தேர்வு செய்யப்பட்டுள்ளனர்.

* ஆந்திராவின் காக்கிநாடாவில் நடக்கும் ஜூனியர் பெண்கள் தேசிய ஹாக்கி சாம்பியன்ஷிப் லீக் போட்டியில் மகாராஷ்டிரா அணி 5-1 என ஆந்திர பிரதேச அணியை வீழ்த்தியது. சட்டீஸ்கர் அணி 6-1 என்ற கோல் கணக்கில் கர்நாடகாவை வென்றது.