லண்டன்: லார்ட்ஸ் டெஸ்டில் சுப்மன் கில் அணிந்த ஜெர்சி ரூ. 5.41 லட்சத்துக்கு ஏலம் போனது.
இங்கிலாந்து அணி முன்னாள் கேப்டன் ஆன்ட்ரூ ஸ்டிராஸ் 48. இவரது மனைவி ருத், நுரையீரல் கேன்சரால் மரணம் அடைந்தார். இவரது பெயரில் அறக்கட்டளை ('ரெட் பார் ரூத்') நிறுவிய ஸ்டிராஸ், கேன்சரால் பாதிக்கப்பட்ட குடும்பத்தினருக்கு உதவி செய்து வருகிறார். இதன் ஒருபகுதியாக, இந்தியா, இங்கிலாந்து அணிகள் மோதிய லண்டன் லார்ட்ஸ் டெஸ்டின் (3வது) இரண்டாவது நாளில் (ஜூலை 11), இங்கிலாந்து வீரர்கள், அம்பயர், ரசிகர்கள் 'பிங்க்' நிற தொப்பி, உடை அணிந்து ஆதரவு தந்தனர்.
அப்போது இரு அணியினர் பயன்படுத்திய ஜெர்சி, தொப்பி, பேட் உள்ளிட்ட பொருட்கள், ஸ்டிராஸ் அறக்கட்டளை சார்பில் ஏலம் விடப்பட்டன. இதில் இந்திய அணி வீரர்கள் பயன்படுத்திய பொருட்கள் அதிக விலைக்கு வாங்கப்பட்டன. கேப்டன் சுப்மன் கில் அணிந்திருந்த ஜெர்சி, அதிகபட்சம் ரூ. 5.41 லட்சம், அடுத்து பும்ரா, ஜடேஜா ஜெர்சி ரூ. 4.94 லட்சத்துக்கு ஏலம் போனது. ராகுல் 'ஜெர்சி' ரூ. 4.70 லட்சத்துக்கு வாங்கினர்.
இங்கிலாந்து வீரர்களில் ஜோ ரூட் (ரூ. 4.47 லட்சம்), ஸ்டோக்ஸ் (ரூ. 4 லட்சம்) ஜெர்சி அதிக விலைக்கு ஏலம் போனது. இந்திய வீரர் ரிஷாப் பன்ட் அணிந்திருந்த தொப்பியை ரூ. 1.76 லட்சம் கொடுத்து வாங்கினர்.