மிசவுரி: கிராண்ட் செஸ் தொடரின் 10வது சீசன் (மொத்தம் 5 தொடர்) தற்போது நடக்கிறது. இதன் நான்காவது தொடர் அமெரிக்காவின் மிசவுரியில் நடக்கிறது. முதலில் ரேபிட் முறையில் போட்டி நடந்தன. நேற்று நடந்த 7வது சுற்றில் உலக சாம்பியன், இந்தியாவின் குகேஷ், அமெரிக்காவின், லெய்னியரிடம் தோல்வியடைந்தார்.
8வது சுற்றில் அமெரிக்காவின் வெஸ்லேயுடன் மோதினார். கருப்பு நிற காய்களுடன் விளையாடிய குகேஷ், 45 வது நகர்த்தலில் வெற்றி பெற்றார். 9வது, கடைசி சுற்றில் அமெரிக்காவின் பேபியானோவை சந்தித்தார். இம்முறை வெள்ளை நிற காய்களுடன் களமிறங்கிய குகேஷ், 89 வது நகர்த்தலில் வெற்றி பெற்றார்.
ரேபிட் பிரிவில் நடந்த 9 சுற்று முடிவில் 10.0 புள்ளி (4 வெற்றி, 2 'டிரா', 3 தோல்வி) பெற்ற குகேஷ், 4 வது இடம் பிடித்தார். அமெரிக்க வீரர்கள் பேபியானோ (14.0), ஆரோனியன் (13.0), பிரான்சின் வாசியர் (11.0) 'டாப்-3' இடம் பெற்றனர்.