சேலம், யு.பி.எஸ்.சி., சிவில் சர்வீசஸ் மெயின்ஸ் தேர்வின் அனைத்து கேள்விகளும், முதல்முறை தமிழில் மொழி பெயர்க்கப்பட்டுள்ளன. 2013 முதல், 2024 வரை வெளியிடப்பட்ட அனைத்து மெயின்ஸ் கேள்விகளையும், துல்லியமாக தமிழாக்கம் செய்து, தமிழ் மூலம் தேர்வுக்கு தயாராகும் மாணவர்களுக்கு முதன்மையான ஆதார நுாலாக, கிங்மேக்கர்ஸ் ஐ.ஏ.எஸ்., அகாடமியால் வெளியிடப்பட்டது.


இதன் முதல் பிரதியை, ஓய்வு பெற்ற, ஐ.ஏ.எஸ்., அதிகாரி திருப்புகழ் முன்னிலையில், 'ஐ.ஏ.எஸ்., தேர்வில் தமிழால் வெல்வோம் -வினா தொகுப்பு' தலைப்பில் வெளியிடப்பட்டது. அதன் முக்கிய அம்சமாக, யு.பி.எஸ்.சி., மெயின்ஸ் முழு பாடத்திட்டம், 2013- முதல், 2024 கேள்விகளின் துல்லிய தமிழாக்கம், கிங் மேக்கர்ஸின் பிரத்யேக டெஸ்ட் சீரிஸ் கேள்விகள், எதிர்பார்க்கப்படும் முக்கிய கேள்விகள், 5,000க்கும் மேற்பட்ட மெயின் தேர்விற்கான கேள்விகள் என, மொழியாக்கம் செய்யப்பட்டுள்ளன. இதுதொடர்பான விபரங்களுக்கு, 94442 27273 என்ற எண்ணில் தொடர்பு கொள்ளலாம்.