திருவள்ளூர்:திருவள்ளூரில் நேற்று திருவாலங்காடு பகுதியைச் சேர்ந்த பகுஜன் சமாஜ் கட்சி, தி.மு.க., உட்பட மாற்று கட்சியினர் அ.தி.மு.க.,வில் இணைந்தனர்.

திருவாலங்காடு ஒன்றிய பகுஜன் சமாஜ் கட்சி செயலர் ரனீஷ் தலைமையில் பகுஜன் சமாஜ் கட்சி, தி.மு.க., உள்ளிட்ட மாற்று கட்சிகளைச் சேர்ந்த 150-க்கும் மேற்பட்டோர், திருவள்ளூர் மேற்கு மாவட்ட செயலரும், முன்னாள் அமைச்சருமான பி.வி.ரமணா தலைமையில், அ.தி.மு.க.,வில் தங்களை இணைத்துக் கொண்டனர்.

இதில், ஒன்றிய செயலர்கள் திருவாலங்காடு சக்திவேல், கடம்பத்தூர் சூரகாபுரம் சுதாகர், பூண்டி ராமஞ்சேரி மாதவன் மற்றும் அ.தி.மு.க.,வினர் பலர் பங்கேற்றனர்.