ஷிம்கென்ட்: ஆசிய துப்பாக்கி சுடுதல் 10 மீ., 'ஏர் ரைபிள்' பிரிவில் இந்தியாவின் இளவேனில் தங்கம் வென்றார்.

கஜகஸ்தானில், ஆசிய துப்பாக்கி சுடுதல் சாம்பியன்ஷிப் 16வது சீசன் நடக்கிறது. பெண்களுக்கான தனிநபர் 10 மீ., 'ஏர் ரைபிள்' பிரிவு தகுதிச் சுற்றில் இந்தியாவின் இளவேனில் (630.7 புள்ளி), மெஹுலி கோஷ் (630.3) முறையே 7, 8வது இடம் பிடித்து பைனலுக்கு முன்னேறினர்.

அடுத்து நடந்த பைனலில் அசத்திய தமிழகத்தின் இளவேனில், 253.6 புள்ளிகளுடன் முதலிடம் பிடித்து தங்கம் வென்றார். மற்றொரு இந்திய வீராங்கனை மெஹுலி கோஷ் (208.9) 4வது இடம் பிடித்தார்.