பிரிஸ்பேன்: 'யூத்' டெஸ்டில் இந்திய பவுலர்கள் அசத்த, ஆஸ்திரேலிய அணி முதல் இன்னிங்சில் 243 ரன்னுக்கு சுருண்டது.

ஆஸ்திரேலியா சென்றுள்ள 19 வயதுக்கு உட்பட்டோருக்கான இந்திய அணி, இரண்டு போட்டிகள் கொண்ட 'யூத்' டெஸ்டில் பங்கேற்கிறது. பிரிஸ்பேனில் முதல் டெஸ்ட் நடக்கிறது.

'டாஸ்' வென்று முதலில் 'பேட்' செய்த ஆஸ்திரேலிய அணிக்கு அலெக்ஸ் டர்னர் (9), அலெக்ஸ் லீ யங் (18) ஏமாற்றினர். கேப்டன் வில் மலாஜ்சுக் (21), சைமன் பட்ஜ் (15), டாம் ஹோகன் (8), ஜான் ஜேம்ஸ் (13) நிலைக்கவில்லை. பொறுப்பாக ஆடிய ஸ்டீவன் ஹோகன் (92) அரைசதம் கடந்தார். ஜெட் ஹோலிக் (38) ஓரளவு கைகொடுத்தார்.
தமிழக வேகப்பந்துவீச்சாளர் தீபேஷ் தேவேந்திரன் பந்தில் ஆர்யன் சர்மா (9), டாம் பேடிங்டன் (0) அவுட்டாகினர். ஆஸ்திரேலிய அணி முதல் இன்னிங்சில் 243 ரன்னுக்கு 'ஆல்-அவுட்' ஆனது. ஹைடன் ஷில்லர் (10) அவுட்டாகாமல் இருந்தார். இந்தியா சார்பில் தீபேஷ் 5, கிஷான் குமார் 3 விக்கெட் சாய்த்தனர்.