சான்பிரான்சிஸ்கோ-டில்லி ஏர் இந்தியா விமானத்தில் திடீர் கோளாறு: மங்கோலியாவில் அவசர தரையிறக்கம்
உலான்பாடர் (மங்கோலியா): சான்பிரான்சிஸ்கோவிலில் இருந்து டில்லி நோக்கி புறப்பட்ட ஏர் இந்தியா விமானம் தொழில்நுட்ப கோளாறு காரணமாக மங்கோலியாவுக்கு திருப்பி விடப்பட்டு, தரையிறக்கப்பட்டது.
ஏர் இந்தியா விமானம் AI 174 சான் பிரான்சிஸ்கோ நகரத்தில் இருந்து புதுடில்லிக்கு புறப்பட்டது. இந்த விமானம் கோல்கட்டா வழியாக டில்லி வந்து சேர வேண்டும்.
ஆனால் நடுவானில் விமானம் பறந்து கொண்டு இருந்த போது, தொழில்நுட்ப கோளாறு ஏற்பட்டதை விமானிகள் குழுவினர் கண்டுபிடித்தனர். இதையடுத்து, பாதுகாப்பு காரணங்களுக்காக விமானம் மங்கோலியாவின் உலான்பாடர் நகரத்தில் தரையிறக்கப்பட்டது.
விமானம் மிகுந்த பாதுகாப்புடன் தரையிறக்கப்பட்டது என்றும், எவ்வித நெருக்கடியும் இல்லை என்றும் விமான நிறுவன செய்தி தொடர்பாளர் கூறி உள்ளார். அவர் மேலும் கூறுகையில், அனைத்து பயணிகளையும் விரைவில் அவர்கள் செல்ல வேண்டிய ஊர்களுக்கு அழைத்துச் செல்ல முயற்சி மேற்கொண்டு வருகிறோம். எதிர்பாராத சூழலில் பயணிகளுக்கு ஏற்பட்ட சிரமத்திற்கு வருந்துகிறோம்.
பயணிகள் மற்றும் பணியாளர்களின் பாதுகாப்புக்கு எப்போதுமே ஏர் இந்தியா நிறுவனம் முன்னுரிமை அளிக்கிறது. மாற்று பயண ஏற்பாடுகள் செய்யப்பட்டு வருகின்றன, அவர்களுக்கு தேவையான உணவு மற்றும் தங்குமிடம் ஏற்பாடு செய்யப்பட்டு உள்ளது என்றார்.
தொழில்நுட்ப கோளாறை தொடர்ந்து என்ன விதமான கோளாறு ஏற்பட்டுள்ளது என்பதை கண்டறிய பொறியாளர்கள் குழுவினர் பணி அமர்த்தப்பட்டு உள்ளனர்.
Ditch Boeing, that's the only way for survival in Air travel. இதில் பயணம் செய்வது தற்கொலைக்கு சமம். இன்னுமா இதில் மக்கள் போகிறார்கள் காயலாங்கடையை டாட்டா தலயில்.கட்டிட்டாங்கோ. யார் கிட்டே? சரி சரி. மங்கோலியாவை சுத்திப் பாத்துட்டு நடந்து வந்து சேருங்கோ...
டிசம்பர் 1 நான் அதே சான்ப்ரான்ஸிஸ்கோ விமான நிலையத்தில் இருந்து நேராக பெங்களூரு கெம்பெகவுடா விமானத்தில் பயணிக்கிறேன். அதில் மற்றும் உலகில் எந்த விமானத்திலும் பிரச்சினை இல்லாமல் காப்பாற்று என் ஈசனே.
மத்திய அரசிடமே இருந்திருக்கலாம் போல air india இந்த விமான நிறுவனம் நாளுக்கு நாள் மோசமாகி கொண்டே வருகிறது . டாடாவிற்கு கை மாறியபின் சரியாக இருக்கும் என்று நினைத்தால், அரசிடம் இருந்ததே இதை விட எவ்வளவோ மேல் போல் தெரிகிறது. The Civil aviation ministry must immediately suspend this airline from flying. ஏர் இந்தியாவில் பயணிப்போர் தயவு செய்து உங்களின் இன்ஷூரன்ஸை கட்டாயம் பதிந்துகொள்ளுங்கள். இல்லை என்றால் ஏர் இந்தியா விமானப்பயணத்தை தவிர்த்துவிடுங்கள். சொதப்பல் ஏர்லைன்ஸ் ஏர் இந்தியா என்பதில் ஆணித்தரமாக சொல்லலாம்.
