ப.வேலுார், ப.வேலுாரில் செயல்பட்டு வரும் மின்னணு தேசிய வேளாண்மை சந்தையில், வாரந்தோறும் செவ்வாய்க்கிழமை தேங்காய் ஏலம் நடக்கிறது. அதன்படி, நேற்று நடந்த ஏலத்திற்கு, உள்ளூர் வியாபாரிகள் மட்டுமின்றி, வெளிமாவட்ட வியாபாரிகளும் வந்திருந்தனர்.

கடந்த வாரம் நடந்த ஏலத்திற்கு, 22,830 தேங்காய்கள் வரத்தாகின. இதில், அதிகபட்சம் கிலோ, 81.86 ரூபாய்; குறைந்தபட்சம், 56.39 ரூபாய்; சராசரி, 70.70 ரூபாய் என, 5 லட்சத்து, 38,000 ரூபாய்க்கு வர்த்தகமானது.


இதேபோல், நேற்று நடந்த ஏலத்திற்கு, 33,750 தேங்காய்கள் வரத்தாகின. இதில், அதிகபட்சம் கிலோ, 61.61 ரூபாய்; குறைந்தபட்சம், 48.90 ரூபாய்; சராசரி, 57.57 ரூபாய் என, 6 லட்சத்து, 47,000 ரூபாய்க்கு வர்த்தகமானது.