கரூர்: கரூரில், சாலை மறியலில் ஈடுபட்ட, சி.ஐ.டி.யு., அமைப்பினரை போலீசார் கைது செய்தனர்.

இந்திய தொழிற்சங்க மையம் (சி.ஐ.டி.யு.,) சார்பில், 8 மணி நேர வேலை உரிமையை பறிக்க கூடாது. நிரந்த பணிகளில் கான்ட்ராக்ட் முறையை கைவிட வேண்டும். கட்டுமான, முறைசாரா தொழிலாளர் நலவாரியங்களை, கார்ப்பரேட் மயமாக்கும் முறையை கைவிட வேண்டும். தொழிலாளர் சட்ட தொகுப்புகளை திரும்ப பெற வேண்டும் உள்ளிட்ட, பல்வேறு கோரிக்கைகளை வலியுறுத்தி நேற்று மாநிலம் முழுவதும் சாலை மறியல் போராட்டம் நடந்தது.

கரூர் மனோகரா கார்னரில், மாநில சி.ஐ.டி.யு., செயலாளர் கோபி குமார் தலைமையில் மறியல் போராட்டம் நடந்தது. நிர்வாகிகள் ஜீவானந்தம், ராஜா முகமது, சுப்பிரமணியன், சாந்தி, மாவட்ட மா.கம்யூ., கட்சி செயலாளர் ஜோதிபாசு, நகர செயலாளர் தண்டபாணி, ஒன்றிய செயலாளர் முருகேசன் உள்பட பலரை கரூர் டவுன் போலீசார் கைது செய்தனர்.