ரெகுநாதபுரம்: ரெகுநாதபுரம் வல்லபை ஐயப்பன் கோயிலில் மகரஜோதி தரிசனம் நடந்தது.

சபரிமலை ஐயப்பன் கோயிலில் நடப்பதை போன்று இங்கு அனைத்து விதமான பூஜைகளும் விழாக்களும் நடந்து வருகிறது.

மகர ஜோதியை முன்னிட்டு அதிகாலை 4:30 மணிக்கு கோயில் மண்டபத்தில் கணபதி ஹோமம் நடந்தது. காலை 5:30 மணிக்கு அஷ்டாபிஷேகம் மற்றும் பல்வேறு சிறப்பு அபிஷேக அலங்கார தீபாராதனைகள் நடந்தது.

வல்லபை ஐயப்பன் சன்னிதானம் முன்புறம் நேற்று மாலை 6:00 முதல் 6:40 மணிக்குள் சிறப்பு பூஜை மற்றும் பக்தர்கள் அனைவரும் கண்டு தரிசித்து செல்லும் வகையில் மகரஜோதி தரிசனம் காண்பிக்கப்பட்டது.

பூஜைகளை தலைமை குருசாமி மோகன் செய்து இருந்தார். ரெகுநாதபுரம் மற்றும் சுற்றுவட்டார கிராமங்களை சேர்ந்த ஏராளமான ஐயப்ப பக்தர்கள், பொதுமக்கள் மகரஜோதி தரிசனம் செய்தனர். அன்னதானம் வழங்கப்பட்டது.