பாகூர்: அரசு மருத்துவமனை ஊழியர் மயங்கி விழுந்து இறந்தது குறித்து போலீசார் விசாரித்து வருகின்றனர்.

பாகூர் பேட், தண்ணீர் தொட்டி வீதியை சேர்ந்தவர் வீரமணி, 53; புதுச்சேரி அரசு மருத்துவமனையில் உதவியாளராக பணியாற்றி வந்தார். இவருக்கு வீரம்மாள் என்ற மனைவியும், இரண்டு மகன், ஒரு மகள் உள்ளனர்.

வீரம்மாள், நெட்டப்பாக்கம் அரசு ஆரம்ப சுகாதார நிலையத்தில் அட்டெண்டராக பணியாற்றி வருகிறார். வீரமணி ரத்த அழுத்தம், நீரிழிவு நோயால் பாதிக்கப்பட்டு, சிகிச்சை பெற்று வந்தார்.

கடந்த 17ம் தேதி அவர் திடீரென வீட்டில் மயங்கி வி ழுந்தார். அவரை மீட்டு, பாகூர் அரசு ஆரம்ப சுகாதார நிலையத்திற்கு கொண்டு சென்றனர். அங்கு, டாக்டர் பரிசோதித்து அ வர், இறந்து விட்டதாக தெரிவித்தார்.

புகாரின் பேரில், பாகூர் போலீசார் வழக்குப் பதிந்து விசாரித்து வருகின்றனர்.