ஸ்ரீநகர்; ஜம்முகாஷ்மீரில் லே லடாக் பகுதியில் மிதமான நிலநடுக்கம் ஏற்பட்டது. இது ரிக்டர் அளவுகோலில். 5.7 ஆக பதிவானது.

நிலநடுக்கத்தின் மையப்பகுதியானது, இமயமலை பகுதியில் பூமியின் மேற்பரப்புக்கு அடியில் 171 கிமீ ஆழத்தில் பதிவாகி உள்ளது. வடமேற்கு காஷ்மீர், லே லடாக் பகுதிகளையும் உலுக்கியது.

நிலநடுக்கம் சில வினாடிகளே நீடித்த போதிலும், அதிர்வுகளை உணர்ந்த மக்கள் தங்களின் வீடுகள், அலுவலகங்களில் இருந்து வெளியே வந்தனர். பழைய கட்டடங்கள், விரிசல் விழுந்த கட்டடங்களில் வசிப்பவர்கள் உடனடியாக வெளியேறுமாறு அதிகாரிகள் அறிவுறுத்தினர்.

ஏதேனும், பாதிப்புகள், உயிரிழப்புகள் ஏற்பட்டதா என்பது பற்றிய எந்த தகவலும் வெளியாகவில்லை. கார்கிலிலும், காஷ்மீர் பள்ளத்தாக்கின் சில பகுதிகளிலும் இந்த நிலநடுக்கம் உணரப்பட்டது.