இந்த பட்ஜெட்டில், சாலை போக்குவரத்து மற்றும் நெடுஞ்சாலை துறைக்கு நிதி ஒதுக்கீடு 3.09 லட்சம் கோடி ரூபாயாக உயர்த்தப்படுகிறது. இது, நடப்பு நிதியாண்டில் அந்த துறைக்கு ஒதுக்கீடு செய்யப்பட்டுள்ள 2.87 லட்சம் கோடி ரூபாயைவிட கிட்டத்தட்ட 8 சதவீதம் அதிகம்.

என்.ஹெச்.ஏ.ஐ., எனப்படும் தேசிய நெடுஞ்சாலை ஆணையத்துக்கும், நடப்பு நிதியாண்டில் 1.70 லட்சம் கோடியாக உள்ள நிதி ஒதுக்கீடு, 2026-27ம் நிதியாண்டுக்கு ரூ.1.87 லட்சம் கோடியாக உயர்த்தப்படவுள்ளது. வரும் மார்ச் 31ல் நடப்பு நிதியாண்டு முடிவடைவதற்குள், என்.ஹெச்.ஏ.ஐ.யின் கடன் தொகையை 2 லட்சம் கோடி ரூபாய்க்கு கீழே கொண்டு வர அரசு திட்டமிட்டுள்ளது.