கன்டெய்னர் தயாரிப்புக்கு ரூ.10,000 கோடி

கன்டெய்னர் தயாரிப்புக்கான புதிய திட்டம், மத்திய பட்ஜெட்டில் இடம்பெற்றுள்ளது. உலகளவில் போட்டியிடும் அளவுக்கு, நம் நாட்டின் கன்டெய்னர் தயாரிப்பு சூழலை மேம்படுத்துவதற்கான புதிய திட்டம் அறிமுகப்படுத்தப்படும். இதற்காக, அடுத்த ஐந்து ஆண்டுகளில், 10,000 கோடி ரூபாய் ஒதுக்கீடு செய்யப்படும் என கூறப்பட்டுள்ளது.

சுற்றுச்சூழலுக்கு உகந்த சரக்கு போக்குவரத்தை ஊக்குவிப்பதற்காக, கட்டுமான மற்றும் உட்கட்டமைப்பு உபகரணங்கள் மேம்பாட்டு திட்டமும் அறிமுகப்படுத்தப்படும். அதன் வாயிலாக, கட்டுமான மற்றும் உட்கட்டமைப்பு உபகரணங்களின் உள்நாட்டு உற்பத்தி அதிகரிக்கும்.

அடுத்த ஐந்து ஆண்டுகளில், 20 புதிய நீர்வழி தடங்கள் பயன்பாட்டுக்கு கொண்டு வரப்படும். உள்நாட்டு நீர்வழி தடத்தில் செல்லும் கப்பல்களுக்காக வாரணாசியிலும், பாட்னாவிலும் பழுதுபார்ப்பு மையங்கள் அமைக்கப்படும்.

பட்ஜெட்டில் தமிழகம்

* சென்னை- - பெங்களூரு, ஹைதராபாத் -- சென்னை அதிவேக பயணியர் ரயில் பாதைகள் உருவாக்கப்படும்.

* அகழ்வாராய்ச்சி தலமான ஆதிச்சநல்லுார், சுற்றுலா பயணியருக்காக திறந்துவிடப்படும். இதற்காக தனி நடைபாதை அமைக்கப்படும். பாதுகாப்பு ஆய்வகங்கள், விளக்க மையங்கள், சுற்றுலா வழிகாட்டிகளுக்கு உதவும் வகையில், நவீன கதை சொல்லும் திறனுடன் கூடிய தொழில் நுட்பங்கள் அங்கு அறிமுகப்படுத்தப்படும்.

* சுற்றுச்சூழலை பாதுகாக்கும் வகையில், மேற்கு தொடர்ச்சி மலையில் உள்ள பொதிகை மலையில் மலையேற்ற பயிற்சியாளர்களுக்கு வழித்தடம்.

* ஆர்வலர்கள் பறவைகளை காண வசதியாக, புலிக்காட் ஏரியில் (பழவேற்காடு) பறவைகள் கண்காணிப்பு பாதைகள் உருவாக்கப்படும்.

* கடந்த 2025ல் அரிய வகை காந்தங்களுக்கான திட்டம் அறிமுகப்படுத்தப்பட்டது. தற்போது, கனிம வளம் மிகுந்த தமிழகம், கேரளா, ஆந்திரா, ஒடிஷா ஆகிய மாநிலங்களில் இத்துறைக்காக பிரத்யேக வழித்தடங்கள் உருவாக்கப்படும்.

* இரண்டாம் மற்றும் மூன்றாம் நிலை நகரங்கள், குறிப்பாக கோவில் நகரங்கள் மீது கவனம் செலுத்தப்படும். பல்வேறு வளர்ச்சி காரணிகளின் அடிப்படையில் நகர பொருளாதார மண்டலங்கள் வரையறுக்கப்படும். ஒரு மண்டலத்துக்கு ஐந்து ஆண்டுகளில் 5,000 கோடி ரூபாய் வீதம் ஒதுக்கீடு செய்யப்பட்டு அவை மேம்படுத்தப்படும். ராமேஸ்வரம், மதுரை, காஞ்சிபுரம் மற்றும் கும்பகோணம் உள்ளிட்ட பல கோவில் நகரங்களை கொண்ட தமிழகம், இதனால் பயனடையும் என்று எதிர்பார்க்கப்படுகிறது.

நெடுஞ்சாலை துறைக்கு ரூ.3.09 லட்சம் கோடி

இந்த பட்ஜெட்டில், சாலை போக்குவரத்து மற்றும் நெடுஞ்சாலை துறைக்கு நிதி ஒதுக்கீடு 3.09 லட்சம் கோடி ரூபாயாக உயர்த்தப்படுகிறது. இது, நடப்பு நிதியாண்டில் அந்த துறைக்கு ஒதுக்கீடு செய்யப்பட்டுள்ள 2.87 லட்சம் கோடி ரூபாயைவிட கிட்டத்தட்ட 8 சதவீதம் அதிகம். என்.ஹெச்.ஏ.ஐ., எனப்படும் தேசிய நெடுஞ்சாலை ஆணையத்துக்கும், நடப்பு நிதியாண்டில் 1.70 லட்சம் கோடியாக உள்ள நிதி ஒதுக்கீடு, 2026 - 27ம் நிதியாண்டுக்கு1.87 லட்சம் கோடி ரூபாயாக உயர்த்தப்படவுள்ளது. வரும் மார்ச் 31ல் நடப்பு நிதியாண்டு முடிவடைவதற்குள், என்.ஹெச்.ஏ.ஐ.,யின் கடன் தொகையை 2 லட்சம் கோடி ரூபாய்க்கு கீழே கொண்டு வர அரசு திட்டமிட்டுள்ளது.

'விபி - ஜி ராம் ஜி' திட்டத்துக்கு ரூ.95,000 கோடி

பட்ஜெட்டில், மத்திய ஊரக வளர்ச்சி துறைக்கு மொத்தம் 1.94 லட்சம் கோடி ரூபாய் ஒதுக்கப்பட்டுள்ளது. இது, கடந்த நிதியாண்டில் ஒதுக்கப்பட்ட 1.87 லட்சம் கோடி ரூபாயைவிட சற்று அதிகம். நுாறு நாள் வேலை திட்டத்துக்கு மாற்றாக, 'விபி - ஜி ராம் ஜி' திட்டம் செயல்படுத்தப்பட உள்ள நிலையில், இதற்கு 95,692 கோடி ரூபாய் ஒதுக்கப்பட்டுள்ளது. அதேவேளையில், மகாத்மா காந்தி ஊரக வேலைவாய்ப்பு உறுதியளிப்பு திட்டத்துக்கு 30,000 கோடி ரூபாய் ஒதுக்கப்பட்டுள்ளது.

கணக்கெடுப்புக்கு ரூ.6,000 கோடி

மக்கள் தொகை கணக்கெடுப்புக்கு, மத்திய பட்ஜெட்டில் 6,000 கோடி ரூபாய் ஒதுக்கீடு செய்யப்பட்டுள்ளது. கோவிட் பெருந்தொற்று காரணமாக ஒத்தி வைக்கப்பட்டிருந்த, 16வது மக்கள் தொகை கணக்கெடுப்பு, ஆறு ஆண்டுகள் தாமதமாக, வரும் ஏப்ரல் 1 முதல் செப்டம்பர் வரை வீடுகள் கணக்கெடுப்பு; 2027 பிப்., 1 முதல் மக்கள் தொகை, ஜாதி வாரி கணக்கெடுப்பு என இரண்டு கட்டங்களாக நடைபெற உள்ளது. நாடு முழுதும், டிஜிட்டல் முறையில் மொபைல் செயலி வாயிலாக நடைபெறும் கணக்கெடுப்பில், 30 லட்சம் களப்பணியாளர்கள், 1.8 லட்சம் அதிகாரிகள் ஈடுபட உள்ளனர்.

பாதுகாப்பு துறைக்கு ரூ.7.85 லட்சம் கோடி

பாதுகாப்பு துறைக்கு மொத்தம் 7.85 லட்சம் கோடி ரூபாய் நிதி ஒதுக்கப்பட்டுள்ளது. இது கடந்தாண்டின் 6.81 லட்சம் கோடி ரூபாயுடன் ஒப்பிடுகையில் 15 சதவீதம் அதிகமாகும். இதில், புதிய ஆயுதங்கள் வாங்குவதற்கான மூலதன செலவு மற்றும் ஓய்வூதியத்துக்கான 1.71 லட்சம் கோடி ரூபாயும் அடங்கும். ஓய்வூதியம் மற்றும் சிவில் செலவுகள் சேர்க்கப்படாமல், ராணுவ செயல்பாடுகளுக்கு மட்டும் 5.95 லட்சம் கோடி ரூபாய் நிதி ஒதுக்கப்பட்டுள்ளது.

@block_Y@

ரயில்வே துறைக்கு கடந்த பட்ஜெட்டில் 2.78 லட்சம் கோடி ரூபாய் ஒதுக்கீடு செய்யப்பட்டிருந்த நிலையில் தற்போது 2.93 லட்சம் கோடி ரூபாய் ஒதுக்கப்பட்டுள்ளது.block_Y

@block_G@

பங்குச் சந்தையில் வர்த்தகமாகும் தங்கப் பத்திரங்களை வாங்கியவர்கள், முதிர்வு காலம் வரை வைத்திருந்தாலும், அவர்களுக்கு கிடைக்கும் லாபத்துக்கு மூலதன ஆதாய வரி விதிக்கப்படும் என அறிவிக்கப்பட்டுள்ளது. இது, வரும் ஏப்ரல் 1 முதல் அமலுக்கு வருகிறது.block_G

@block_B@

மத்திய அரசு நிறுவனங்களுக்கு சொந்தமான நிலம் மற்றும் கட்டடங்களை பணமாக்க, பிரத்யேக ரீட்ஸ் எனப்படும் ரியல் எஸ்டேட் முதலீட்டு அறக்கட்டளைகள் உருவாக்கப்படும் என, பட்ஜெட்டில் தெரிவிக்கப்பட்டுள்ளது.

ரியல் எஸ்டேட் சொத்துகளை சொந்தமாக அல்லது நிர்வகிக்கும் முதலீட்டு அமைப்பு, ரீட்ஸ் எனப்படுகிறது. முதலீட்டாளர்கள் நேரடியாக சொத்துகளை வாங்காமல், அந்த சொத்துகள் வாயிலாக கிடைக்கும் வருமானத்தில் ஒரு பங்கை பெற ரீட்ஸ் வழிவகை செய்கிறது.

இந்நிலையில், சொத்துகளை பணமாக்குவதற்கான ஒரு வெற்றிகரமான கருவியாக ரீட்ஸ் உருவெடுத்துள்ளது. எனவே, மத்திய பொதுத்துறை நிறுவனங்களுக்கு சொந்தமான ரியல் எஸ்டேட் சொத்துகளை, பிரத்யேக ரியல் எஸ்டேட் முதலீட்டு அறக்கட்டளைகள் அமைப்பதன் வாயிலாக, ரியல் எஸ்டேட் சொத்துகளை மறுசுழற்சி செய்வது விரைவுபடுத்தப்படும் என கூறப்பட்டுள்ளது.block_B

@block_P@

புதிய வருமான வரி சட்டம், வரும் ஏப்ரல் 1 முதல் நடைமுறைக்கு வருவதாக அறிவிக்கப்பட்டுள்ளது. இது, 60 ஆண்டு கால பழமையான வரி சட்டத்துக்கு மாற்றாக அமையும் என கூறப்பட்டுள்ளது.

எளிமையாக்கப்பட்ட வருமான வரி விதிகள் மற்றும் படிவங்கள் விரைவில் அறிவிக்கப்படும் என்றும், இது, வரி செலுத்துவோர் அதன் தேவைகளை அறிந்து கொள்வதற்கு போதுமான கால அவகாசத்தை வழங்கும் எனவும் கூறப்பட்டுள்ளது.

வருமான வரி விகிதங்களில் எந்த மாற்றமும் செய்யப்படவில்லை; மதிப்பீட்டு ஆண்டு, முந்தைய ஆண்டு என்ற குழப்பமான நடைமுறை நீக்கப்பட்டு, அதற்கு பதிலாக ஒற்றை வரி ஆண்டு என்றே குறிப்பிடப்படும். காலக்கெடுவுக்கு பின் வருமான வரி தாக்கல் செய்தாலும், அபராத கட்டணங்கள் இன்றி, ஏற்கனவே கூடுதலாக பிடித்தம் செய்த வருமான வரி தொகையை திரும்ப பெறவும் புதிய வருமான வரி சட்டம் அனுமதிக்கிறது.block_P