லா நுசியா: எலைட் குத்துச்சண்டை முதல் சுற்றில் இந்தியாவின் ஹிதேஷ், பிரீத்தி, பிரியா உள்ளிட்டோர் வெற்றி பெற்றனர்.

ஸ்பெயினில், எலைட் சர்வதேச குத்துச்சண்டை தொடர் நடக்கிறது. இதில் 21 நாடுகளை சேர்ந்த, 214 பேர் பங்கேற்கின்றனர். பெண்களுக்கான 54 கிலோ எடைப்பிரிவு முதல் சுற்றில் இந்தியாவின் பிரீத்தி 5-0 என, கஜகஸ்தானின் அலியாஸ்கர் சிம்பத்தை வீழ்த்தினார். பெண்களுக்கான 57 கிலோ பிரிவில் இந்தியாவின் பிராச்சி 5-0, என ஸ்பெயினின் வனேசா மோரெல் ரமிரெசை வென்றார். இந்திய வீராங்கனை பிரியா (60 கிலோ) 5-0 என, கனடாவின் அலெசியாவை தோற்டித்தார். இந்தியாவின் காஜல் (65 கிலோ) 4-1 என கஜகஸ்தானின் அசெம் டனாடரை வென்றார்.
ஆண்களுக்கான 70 கிலோ எடைப்பிரிவு முதல் சுற்றில் இந்தியாவின் ஹிதேஷ் குலியா 5-0 என, நெதர்லாந்தின் பின் பாசை வீழ்த்தினார். மற்ற எடைப்பிரிவு போட்டிகளில் இந்தியாவின் சச்சின் (60 கிலோ), முகமது ஹுசாம் உத்தின் (60), அபினாஷ் (65), தீபக் (70), ஆகாஷ் (75), அன்குஷ் (80) வெற்றி பெற்றனர்.