தேனி: தேனி கம்மவார் சங்கம் ஐ.டி.ஐ., மைதானத்தில் மாவட்ட அளவிலான தனியார் ஐ.டி.ஐ., மாணவர்களுக்கான விளையாட்டு போட்டிகள் நடந்தன. போட்டிகளை அரசு ஐ.டி.ஐ., முதல்வர் சேகரன் துவக்கி வைத்தார்.

சின்னமனுார் வ.உ.சி., ஐ.டி.ஐ., கபடி, வாலிபால் போட்டிகளில் முதலிடம் வென்றது. கபடியில் தேனி கம்மவார் சங்கம் ஐ.டி.ஐ., வாலிபால் போட்டியில் செல்லம்மாள் ஐ.டி.ஐ., இரண்டாமிடம் வென்றன.

இது தவிர 100 மீ., 200 மீ., ஈட்டி எறிதல், குண்டு எறிதல் உள்ளிட்ட போட்டிகள் நடந்தன. வெற்றி பெற்றவர்களுக்கு சங்க தலைவர் நம்பெருமாள் சாமி, ஐ.டி.ஐ., செயலாளர் பெருமாள்சாமி, சங்க பொதுச்செயலாளர் மகேஷ், துணைத்தலைவர் பாண்டியராஜன் உள்ளிட்டோர் பரிசு வழங்கினர். ஐ.டி.ஐ., முதல்வர் பிரகாசம் தலைமையில் ஆசிரியர்கள் போட்டிகள், விழாவை ஒருங்கிணைத்தனர்.