சென்னை: சென்னையில் இன்று (பிப்ரவரி 19) 22 காரட் ஆபரண தங்கத்தின் விலை சவரனுக்கு 2,160 ரூபாய் அதிகரித்து ஒரு சவரன் ஒரு லட்சத்து 16 ஆயிரம் ரூபாய்க்கு விற்பனை செய்யப்படுகிறது.

சர்வதேச நிலவரங்களால் நம் நாட்டில் தங்கம், வெள்ளி விலை ஏற்றம், இறக்கத்துடன் காணப்பட்டது. கடந்த சில தினங்களாக தங்கம் விலை சரிந்து வருகிறது. கடந்த பிப்ரவரி 16ம் தேதி ஆபரண தங்கம் கிராம், 14,440 ரூபாய்க்கும், சவரன், 1,15,520 ரூபாய்க்கும் விற்பனையானது.



வெள்ளி கிராம், 265 ரூபாய்க்கு விற்கப்பட்டது. நேற்று முன்தினம் (பிப்ரவரி 17), தங்கம் விலை கிராமுக்கு, 120 ரூபாய் குறைந்து, 14,320 ரூபாய்க்கு விற்பனையானது. சவரனுக்கு, 960 ரூபாய் சரிவடைந்து, 1,14,560 ரூபாய்க்கு விற்கப்பட்டது. வெள்ளி விலையில் மாற்றமில்லை.

நேற்றைய நிலவரம்

நேற்று (பிப்ரவரி 18) 22 காரட் ஆபரண தங்கத்தின் விலை சவரனுக்கு 720 ரூபாய் குறைந்து ஒரு சவரன் ஒரு லட்சத்து 13 ஆயிரத்து 840 ரூபாய்க்கு விற்பனை ஆனது. கிராமுக்கு 90 ரூபாய் குறைந்து ஒரு கிராம் 14,230 ரூபாய்க்கு விற்பனை செய்யப்பட்டது.



கடந்த 3 நாட்களில் தங்கம் விலை சவரனுக்கு 2 ஆயிரத்து 640 ரூபாய் குறைந்தது. வெள்ளி விலை கிராமுக்கு 5 ரூபாய் குறைந்து ஒரு கிராம் 260 ரூபாய்க்கும், கிலோவுக்கு 5 ஆயிரம் குறைந்து ஒரு கிலோ 2 லட்சத்து 60 ஆயிரம் ரூபாய்க்கு விற்பனை செய்யப்பட்டது.

இன்றைய நிலவரம்

இந்நிலையில் இன்று (பிப்ரவரி 19) 22 காரட் ஆபரண தங்கத்தின் விலை சவரனுக்கு 2,160 ரூபாய் அதிகரித்து ஒரு சவரன் ஒரு லட்சத்து 16 ஆயிரம் ரூபாய்க்கு விற்பனை செய்யப்படுகிறது. கிராமுக்கு 270 ரூபாய் அதிகரித்து ஒரு கிராம் 14,500 ரூபாய்க்கு விற்பனை ஆகிறது.



வெள்ளி விலை கிராமுக்கு 10 ரூபாய் அதிகரித்து ஒரு கிராம் 270 ரூபாய்க்கும், கிலோவுக்கு 10 ஆயிரம் ரூபாய் அதிகரித்து ஒரு கிலோ 2 லட்சத்து 70 ஆயிரம் ரூபாய்க்கு விற்பனை செய்யப்படுகிறது. கடந்த 3 நாட்களாக சரிந்து வந்த தங்கம் விலை இன்று உயர்ந்துள்ளது.
கடந்த கால தங்கம் விலை நிலவரங்களை அறிய இங்கே கிளிக் செய்யவும்