உடுமலை: குறிச்சிக்கோட்டை துணை வேளாண் விரிவாக்க மையத்தில், மெட்டாரைசியம் அனிசோபில், ட்ரைகோடெர்மா விரிடி, சூடோமோனஸ் புளோரோசன்ஸ், ஆகிய இயற்கை பூச்சி மற்றும் பூஞ்சான கொல்லி மருந்துகள் மானிய விலையில், விற்பனைக்கு உள்ளது.

மெட்டாரைசியம், மக்காச்சோள படைப்புழுவை நன்கு கட்டுப்படுத்தும். எருக்குழிகளில் தெளிக்கும்போது காண்டாமிருக வண்டு புழுக்களை கட்டுப்படுத்தும். காய்கறி பயிர்களில் புழுக்களை நன்கு கட்டுப்படுத்தும் குறிப்பாக கத்திரி காய்ப்புழுவை நன்கு கட்டுப்படுத்தும்

டி விரிடி மற்றும் சூடோமோனஸ் அனைத்து பயிர்களுக்கும் பயன்படுத்தலாம். வேர் அழுகல் மற்றும் வேர்வாடல், இலைக்கருகல் நோய்களை நன்கு கட்டுப்படுத்தும். தற்பொழுது தென்னையில் வேர்வாடல் நோய் வராமல் தடுக்க டிவிரிடி மற்றும் சூடோமோனஸ் பூஞ்சான கொல்லிகள் உதவும். தேவைப்படும் விவசாயிகள் துணை வேளாண் விரிவாக்க மையத்தை அணுகலாம் என வேளாண்துறையினர் தெரிவித்துள்ளனர்.