தோகா: கத்தார் ஓபன் டென்னிஸ் ஒற்றையரில் ஸ்பெயினின் அல்காரஸ் சாம்பியன் பட்டம் வென்றார்.


தோகாவில், கத்தார் ஓபன் டென்னிஸ் தொடர் நடந்தது. இதன் ஆண்கள் ஒற்றையர் பிரிவு பைனலில் ஸ்பெயினின் கார்லஸ் அல்காரஸ், பிரான்சின் ஆர்தர் பில்ஸ் மோதினர். முதல் செட்டை 6-2 எனக் கைப்பற்றிய அல்காரஸ், இரண்டாவது செட்டை 6-1 என வென்றார். முடிவில் அல்காரஸ் 6-2, 6-1 என வெற்றி பெற்று இத்தொடரில் முதன்முறையாக சாம்பியன் பட்டத்தை கைப்பற்றினார். ஏ.டி.பி., ஒற்றையரில் தனது 26வது பட்டம் வென்ற அல்காரஸ், இந்த ஆண்டு இதுவரை விளையாடிய 12 போட்டியிலும் வெற்றி பெற்றுள்ளார்.

ஜெசிகா பெகுலா சாம்பியன்

துபாய் டென்னிஸ் சாம்பியன்ஷிப் பெண்கள் ஒற்றையர் பிரிவு பைனலில் அமெரிக்காவின் ஜெசிகா பெகுலா, உக்ரைனின் எலினா ஸ்விடோலினா மோதினர். இதில் ஜெசிகா பெகுலா 6-2, 6-4 என்ற நேர் செட் கணக்கில் வெற்றி பெற்றார். இது, டபிள்யு.டி.ஏ., ஒற்றையரில் ஜெசிகா பெகுலா கைப்பற்றிய 10வது பட்டம்.