சிங்கப்பூர்: சர்வதேச டேபிள் டென்னிஸ் கூட்டமைப்பு சார்பில் சிங்கப்பூரில் 'கிராண்ட் ஸ்மாஷ்' தொடர் நடக்கிறது. ஆண்கள் இரட்டையர் காலிறுதியில் இந்தியாவின் மானவ் தக்கார், மனுஷ் ஷா ஜோடி, இத்தொடரில் 'நம்பர்-6' அந்தஸ்து பெற்ற பெல்ஜியத்தின் மார்டின் அல்லெக்ரோ, அட்ரியன் ஜோடியை சந்தித்தது
27 நிமிடம் நடந்த போட்டியின் முடிவில் உலகத் தரவரிசையில் 'நம்பர்-5' ஆக உள்ள இந்திய ஜோடி, 3-0 என்ற (11-8, 11-9, 11-9) நேர் செட்டில் வெற்றி பெற்றது.
இதையடுத்து டபிள்யு.டி.டி.,யின் உயர்ந்த 'கிராண்ட் ஸ்மாஷ்' அந்தஸ்து பெற்ற தொடரில், அரையிறுதிக்கு முன்னேறிய முதல் இந்திய ஜோடி என மானவ் தக்கார், மனுஷ் ஷா சாதனை படைத்தனர்.